Лючыя Базэ

Лючыя Базэ (італ.: Lucia Bosè; 28 студзеня 1931, Мілан — 23 сакавіка 2020^[7], Сеговія) — італьянская актрыса , якая стала папулярнай у перыяд італьянскага неарэалізму ў 1950-х гадах.

Лючыя Базэ
італ.: Lucia Bosè
Дата нараджэння	28 студзеня 1931(1931-01-28)[1][2][…]
Месца нараджэння	Мілан, правінцыя Мілан[d], Ламбардыя, Каралеўства Італія
Дата смерці	23 сакавіка 2020(2020-03-23)[3][4][…] (89 гадоў)
Месца смерці	Сеговія, правінцыя Сеговія, Кастылія і Леон, Іспанія[5][6][…]
Грамадзянства	Італія  Іспанія
Муж	Луіс Мігель Дамінгін[d]
Дзеці	Мігель Базэ[d], Паола Дамінгін[d] і Лючыя Дамінгін[d]
Прафесія	актрыса, мадэль
Узнагароды
IMDb	ID 0098393
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Базэ.

Біяграфія

У юнацтве Лучыя працавала ў адной з міланскіх пякарань, пакуль у 1947 годзе не стала пераможцай на конкурсе прыгажосці «Міс Італія  (руск.)».

Кінадэбют адбыўся ў 1950 годзе ў фільме дэ Санціса  (руск.) «Няма міру пад алівамі  (руск.)». У тым жа годзе яна сыграла Паолу Малон у фільме Мікеланджэла Антаніоні «Хроніка аднаго кахання  (руск.)». У 1953 годзе Антаніоні зноў запрасіў Лючыю ўжо на ролю Клары Манні ў фільм «Дама без камелій  (руск.)».

Яе кар’ера працягвала актыўна развівацца да 1956 года, пакуль Лючыя не выйшла замуж за іспанскага матадора Луіса Мігеля Дамінгіна  (руск.) і праз чатыры гады пакінула кар’еру. Апошнім фільмам гэтага часу з удзелам Лючыі стаў «Тэстамент Арфея  (руск.)» (1960) Ж. Както.

Наступныя гады яна прысвяціла мужу і выхаванню дзяцей — Мігеля  (руск.), Паолы і Лючыі.

У кіно яна вярнулася ў канцы 1960-х гадоў, з’явіўшыся ў фільме Феліні «Сатырыкон», а затым у карціне братоў Тавіяні  (руск.) «Пад знакам Скарпіёна  (руск.)» (1969). З тых часоў яна перыядычна з’яўляецца ў невялікіх ролях у фільмах Маргерыт Дзюрас  (руск.), Жанны Маро, Ліліяны Кавані  (руск.), Даніэля Шміда  (руск.), Педра Альмадовара, Франчэска Розі  (руск.), Агусці Вільяронгі  (руск.), Ферзана Озпетэка  (руск.) і інш.

У 2000 годзе Лючыя Базэ ажыццявіла мару свайго юнацтва — адкрыла першы ў свеце Музей анёлаў. У экспазіцыі музея, размешчанага ў мястэчку Турэгана  (руск.), Сеговія, прадстаўлена больш за восемдзесят прац сучасных мастакоў з розных краін з выявамі анёлаў, а таксама розныя скульптуры з анёламі^[8].

Памерла 23 сакавіка 2020 года ў Сеговіі ад пнеўманіі, выкліканай каронавірусам COVID-19^[9].

Сям’я

• Была ў шлюбе (1955—1967) з матадорам Луісам Мігелем Дамінгінам  (руск.) (9 снежня 1926 — 8 мая 1996)
• Дзеці:
  • Мігель Базэ  (руск.) (нар. 3 красавіка 1956), іспанскі спявак, акцёр і рэжысёр
  • Паола Дамінгін  (ісп.) (нар. 5 лістапада 1960), іспанская актрыса
  • Лючыя Дамінгін^[d] (нар. 1957), актрыса
• Унучка — Бімба Базэ  (ісп.) (1 кастрычніка 1975 — 23 студзеня 2017), мадэль, дызайнер, спявачка (салістка гурта «The Cabriolets»), актрыса, памерла ад раку малочных залоз.

Выбраная фільмаграфія

• 1950 — Хроніка аднаго кахання  (руск.) — Паола
• 1950 — Няма міру пад алівамі  (руск.) — Лючыя Сільвестр
• 1952 — Рым у 11 гадзін  (руск.) — Сімона
• 1953 — Дама без камелій  (руск.) — Клара Манні
• 1955 — Смерць веласіпедыста  (італ.) — Марыя Хасэ дэ Кастра
• 1955 — Гэта называецца світаннем  (італ.) — Клара
• 1969 — Пад знакам Скарпіёна  (руск.) — Глая
• 1969 — «Сатырыкон» — матрона
• 1971 — Нешта крадзецца ў цемры  (руск.) — Сільвія Форэст
• 1972 — Наталі Гранжэ  (фр.) — Наталі Гранжэ
• 1973 — Крывавая цырымонія  (італ.) — Эржэбет Батары

Узнагароды

• Прэмія «Легенда Капры» (2004).
• Ордэн Грамадзянскіх заслугаў (Іспанія)^[10]

Зноскі

1. Person Profile // Internet Movie Database — 1990. Праверана 16 кастрычніка 2015.

   <a href='https://wikidata.org/wiki/Track:Q37312'></a>
2. Lucia Bosé // filmportal.de — 2005. Праверана 9 кастрычніка 2017.

   <a href='https://wikidata.org/wiki/Track:Q15706812'></a>
3. https://www.publico.es/sociedad/fallece-lucia-bose-89-anos.html
4. Ugolini C. Coronavirus, è morta Lucia Bosé: era ricoverata a Segovia — 2020.
5. https://www.lecturas.com/actualidad/miguel-bose-su-conmovedor-mensaje-tras-fallecimiento-su-madre-lucia-bose-por-coronavirus_80929 Праверана 23 сакавіка 2020.
6. https://diariodecastillayleon.elmundo.es/articulo/segovia/muere-lucia-bose-segovia-victima-coronavirus/20200323143405005642.html Праверана 23 сакавіка 2020.
7. Muere Lucía Bosé a los 89 años (ісп.)
8. Знаменитая киноактриса Лючия Бозе представила в Сабаделе экспозицию изображений ангелов (руск.). РИА Новости (2001 12 30).
9. Итальянская актриса Лючия Бозе умерла из-за коронавируса (руск.). www.mk.ru. Праверана 24 сакавіка 2020.
10. Raffaella Carrà «Dama» di Spagna: «Il mio ombelico scoperto simbolo di libertà»