Лявона Паповіч

У Вікіпедыі ёсць артыкулы пра іншых людзей з прозвішчам Паповіч.

Лявона Паповіч (харв.: Leona Popović; нар. 13 лістапада 1997, Рыека, Харватыя) — харвацкая гарналыжніца, удзельніца зімовых Алімпійскіх гульняў 2018 і 2022 года. Чэмпіёнка Харватыі ў слаламе (2022, 2023) і гіганцкім слаламе (2023).

Лявона Паповіч
Грамадзянства
Дата нараджэння	13 лістапада 1997(1997-11-13) (27 гадоў)
Месца нараджэння	Рыека, Харватыя
Кар'ера
Клуб	SK Rijeka

Біяграфія і спартыўная кар’ера

Паповіч упершыню прыняла ўдзел у гонцы пад эгідай FIS у студзені 2014 года. У студзені 2015 года дэбютавала на этапе Кубка свету ў слаламе, які адбыўся ў Заграбе. Праз некалькі тыдняў яна атрымала перамогу ў слаламе на еўрапейскім зімовым юнацкім алімпійскім фестывалі ў Мальбуне.

На сваім першым чэмпіянаце свету ў Каларада яна заняла 27-е месца ў слаламе^[1]. Свае першыя ачкі на Кубку свету Паповіч зарабіла ў лютым 2017 года ў камбінацыі на трасе ў Кран-Мантана, дзе заняла 18-е месца. Менш паспяховым дя яе стаў Чэмпіянат свету ў Санкт-Морыцы. Яна змагла кваліфікавацца толькі ў камандным заліку, ва ўсіх астатніх спаборніцтвах выбыла з барацьбы на ранніх стадыях. На чэмпіянаце свету сярод юніёраў у Давосе Лявона Паповіч заняла 7-е месца ў гіганцкім слаламе, у слаламе ж яна сышла з дыстанцыі.

У 2018 годзе харватка прыняла ўдзел у зімовых Алімпійскіх гульнях у Паўднёвай Карэі. На трасе гіганцкага слалама яна сышла з дыстанцыі ўжо ў першым спуску.

У сезоне 2021-22 гадоў Паповіч стабільна набірала ачкі ў залікоўцы Кубка свету. На зімовых Алімпійскіх гульнях у Пекіне яна заняла 23-е месца ў слаламе.

На працягу сезона Кубка свету 2022-23 гадоў у яе атрымалася значна палепшыць свае вынікі, восем разоў яна ўваходзіла ў дзясятку лепшых. 18 сакавіка 2023 года ў яе атрымался ўпершыню падняцца на подыум — яна заняла другое месца ў слаламе ў фінале Кубка свету ў Сольдэу. У лістападзе 2023 года на этапе Кубка свету ў Фінляндыі яна другі раз у кар’еры заняла другое месца ў слаламе.

Выступленні на найбуйнейшых спаборніцтвах

Зімовыя Алімпійскія Гульні

Алімпійскія Гульні	Хуткасны спуск	Супергігант	Гіганцкі слалам	Слалам	Камбінацыя	Каманда
2018 Пхёнчхан	—	—	DNF1	—	—	—
2022 Пекін	—	—	—	23	—	—

Чэмпіянаты свету

Чэмпіянат свету	Хуткасны спуск	Супергігант	Гіганцкі слалам	Слалам	Камбінацыя	Каманда	Парал. гіганцкі слалам
2015 Бівер-Крык	36	30	37	27	DNF1	—	—
2017 Санкт-Морыц	—	DNF	DNF2	DNF1	DNF2	—	—
2021 Корціна-д’Ампеца	—	—	25	21	—	—	—
2023 Мерыбель	—	—	—	17	—	—	—

Зноскі

1. POPOVIC Leona - Athlete Information (нявызн.). www.fis-ski.com. Праверана 13 лістапада 2023.