Ляхаўскія астравы

Ля́хаўскія астравы (якуцк.: Ляхов арыылара, руск.: Ляховские острова) — група астравоў у складзе архіпелага Новасібірскія астравы. Тэрыторыя Расіі, Рэспубліка Саха (Якуція).

Ляхаўскія астравы
як. Ляхов арыылара, руск. Ляховские острова
Характарыстыкі
Колькасць астравоў	5
Найбуйнейшы востраў	Вялікі Ляхаўскі
Агульная плошча	6 100[1] км²
Найвышэйшы пункт	270 (293[1]) м
Насельніцтва	0 чал. (2014)
Размяшчэнне
74°39′36″ пн. ш. 141°59′14″ у. д.HGЯO
Архіпелаг	Новасібірскія астравы
Акваторыя	Паўночны Ледавіты акіян
Краіна	Расія
Ляхаўскія астравы
Ляхаўскія астравы
Медыяфайлы на Вікісховішчы

У склад Ляхаўскіх астравоў уваходзяць астравы Вялікі Ляхаўскі (раней — Бліжні^[2], плошча 4600^[3] км²), Малы Ляхаўскі (раней — Малы або Бліжні^[2], плошча 1325^[2] км²), Стаўбавы (170^[3] км²) і дзве банкі на месцы былых астравоў Сямёнаўскі і Васільеўскі, дзе пасля размыву ў 2013 годзе быў знойдзены новы востраў Яя плошчай каля 500 км². Агульная плошча Ляхаўскіх астравоў 6100^[1] км². Ад мацерыка астравы аддзяляе праліў Дзмітрыя Лапцева, ад вострава Фадзееўскі — праліў Саннікава. Вышыні да 270 м (293 м, гара Эмій-Тас на востраве Вялікі Ляхаўскі^[1]).

Астравы складзены з мезазойскіх сланцаў і пясчанікаў, прарваных гранітоідамі, азёрнымі і дэлювіяльнымі суглінкамі са слаямі выкапнёвага лёду^[2]. Маюцца азёры тэрмакарставага паходжання і рэкі (Этэрыкан і Блудная на востраве Ляхаўскі^[1]). Расліннасць — асакова-злакавая тундра. Жывёльны свет прадстаўляюць пясец і белы мядзведзь^[2].

Гістарычныя звесткі

Група астравоў адкрыта ў 1712 годзе і названа ў гонар рускага прамыслоўца Івана Ляхава. З 1941 года на астравах дзейнічала палярная станцыя^[3].

Зноскі

1. Новосибирские острова // Сайт «Планета Земля» Geosfera.Org (руск.)
2. Ляховские острова // Мегаэнциклопедия Кирилла и Мефодия (руск.)
3. Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — 538 с. — 100 000 экз. (руск.)