Лізавета Габсбург

Лізавета Германская (Альжбета) ням.: Elisabeth von Habsburg (1436, Вена — 30 жніўня 1505, Кракаў) — дачка імператара Свяшчэннай Рымскай імперыі Альбрэхта II, жонка Казіміра IV. Яе братам быў Ладзіслаў Постум.

Лізавета Габсбург
ням.: Elisabeth von Habsburg польск.: Elżbieta Rakuszanka
Каралева-кансорт Польшчы
Папярэднік	Соф’я Гальшанская
Пераемнік	Алена Іванаўна
Вялікая княгіня літоўская
Папярэднік	Ульяна Гальшанская
Пераемнік	Алена Іванаўна
Нараджэнне	каля 1436 Вена, Герцагства Аўстрыя, Аўстрыя
Смерць	30 жніўня 1505(1505-08-30)[1][2] Кракаў, Польскае Каралеўства
Месца пахавання	Кафедральны сабор Святых Станіслава і Вацлава
Род	Габсбургі
Бацька	Альбрэхт II
Маці	Лізавета Люксембургская[d]
Муж	Казімір IV Ягелончык[3]
Дзеці	Уласла II, Ядзвіга Ягелонка, Казімір Казіміравіч[4], Ян I Ольбрахт[4], Аляксандр Ягелончык, Жыгімонт I Стары, Барбара Ягелонка[d], Соф’я Ягелонка[d], Ганна Ягелонка[d], Лізавета Ягелонка[d][4], Лізавета Ягелонка[d][4], Лізавета Ягелонка[d] і Фрыдэрык Ягелончык[d]
Медыяфайлы на Вікісховішчы

Біяграфія

Лізавета была дачкой Альберта II Германскага (1397—1439) і яго жонкі Лізаветы Багемскай (1409—1442). Яна выйшла замуж 10 сакавіка 1454 года за караля Польшчы і Літвы Казіміра IV. Чацвёра з яе сыноў сталі каралямі, таму яе таксама завуць «маці каралёў».

Пасля смерці ў 1457 годзе бяздзетнага брата Лізаветы Ладзіслава Постума яна і яе сям’я заявілі правы на трон Багеміі і Венгрыі. Праз некаторы час яе старэйшы сын атрымаў абодва трона. Яе малодшы сын стаў каралём Польшчы і Літвы.

Сям’я

Лізавета была замужам за Казімірам IV, каралём Польшчы і Вялікім князем Літоўскім. Мела шасцярых сыноў:

• Уладзіслаў Ягелон (1456—1516), кароль Чэхіі і Венгрыі;
• Казімір Святы (1458—1484), намеснік бацькі ў Літве, памёр маладым, кананізаваны;
• Ян Альбрэхт (1459—1501), спадчынік бацькі як кароль Польшчы;
• Аляксандр Ягелон (1461—1506), спадчынік бацькі як вялікі князь літоўскі, пасля смерці Яна Альбрэхта таксама кароль Польшчы;
• Жыгімонт I (1467—1548), пасля смерці Аляксандра стаў каралём Польшчы і вялікім князем літоўскім;
• Фрэдэрык Ягелон (1468—1503), біскуп кракаўскі, затым кардынал і архібіскуп гнезненскі.

Мела таксама сямёра дочак, з якіх пяцёра выйшлі замуж за кіраўнікоў краін заходняй Еўропы:

• Ядзвіга (1457—1502) жонка з 1475 года Георга Багатага (1455—1503), герцага Ландсхут-Баварскага;
• Сафія (1464—1512) жонка з 1479 года Фрыдрыха (1460—1536), маркграфа Брандэнбург-Ансбахскага і Байрэйта, маці Альбрэхта Прускага;
• Лізавета (1465—1466/67);
• Лізавета (1472—1480/81);
• Ганна (1476—1503) жонка Багуслава X, герцага Памеранскага (1454—1523);
• Барбара (1478—1534), жонка з 1496 года герцага Георга Саксонскага (1471—1539);
• Лізавета (1482—1517), жонка з 1515 года герцага Фрыдрыха II фон Лігніц (1480—1547).

Зноскі

1. Lundy D. R. Elisabeth von Habsburg // The Peerage Праверана 9 кастрычніка 2017.

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
2. Pas L. v. Elisabeth of Austria // Genealogics — 2003.

   <a href='https://wikidata.org/wiki/Track:Q19847329'></a><a href='https://wikidata.org/wiki/Track:Q19847326'></a>
3. (unspecified title) Праверана 7 жніўня 2020.
4. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>