Лічбавая дыстрыбуцыя

Лічбавая дыстрыбуцыя або лічбавае распаўсюджванне, распаўсюджванне праз інтэрнэт — гэта форма распаўсюджвання лічбавага кантэнту, такога як аўдыё, відэа, электронныя кнігі, відэагульні і праграмнае забеспячэнне, праз інтэрнет. З’яўляецца альтэрнатывай фізічным носьбітам інфармацыі, такім як аптычныя дыскі, відэакасеты, папера і картрыджы.

Адной з формаў лічбавай дыстрыбуцыі з’яўляюцца стрымінгавыя сэрвісы, якія прадугледжваюць, што кліентская праграма на прыладзе карыстальніка атрымае доступ да пэўнага кантэнта па запыце на абмежаваны час. Іншы падыход заключаецца ў дазволе спампаваць файл цалкам на прыладу карыстальніка і захоўваць яго пастаянна з магчымасцю аўтаномнага доступу, часам з нейкай формай абароны ад капіравання.

Для таго, каб гарантаваць даступнасць кантэнта ў розных рэгіёнах і хуткасць яго перадачы, выкарыстоўваюцца так званыя сеткі дастаўкі кантэнту (англ.: content delivery network, CDN). ^[1] Альтэрнатывай для іх з’яўляюцца тэхналогіі пірынгавага абмену файламі (англ.: peer-to-peer, P2P).

Сэрвісы лічбавай дыстрыбуцыі

Некаторыя з найбольш вядомых сэрвісаў лічбавай дыстрыбуцыі пералічаны ніжэй.

Аўдыё

• Apple Music
• Spotify
• SoundCloud
• Amazon Music
• YouTube Music

Відэа

• Netflix
• Youtube
• HBO Max
• Amazon Prime Video
• Disney+
• Hulu

Электронныя кнігі

• Project Gutenberg
• Вікікнігі
• Apple Books
• Google Play Books
• Kindle Store
• Kindle Direct Publishing

Відэагульні

• Steam
• PlayStation Store
• Epic Games Store
• GOG.com

Праграмнае забеспячэнне

• App Store
• Google Play
• F-Droid
• Huawei AppGallery
• Microsoft Store