Леанід Сямёнавіч Рашкоўскі

Леанід Сямёнавіч Рашкоўскі (9 студзеня 1937, Барысаў, Мінская вобласць, Беларуская ССР, СССР — 31 мая 1994) — беларускі паэт.

Леанід Сямёнавіч Рашкоўскі
Асабістыя звесткі
Дата нараджэння	9 студзеня 1937(1937-01-09)
Месца нараджэння	Барысаў, Беларуская ССР, СССР
Дата смерці	31 мая 1994(1994-05-31) (57 гадоў)
Месца смерці	Барысаў, Мінская вобласць, Беларусь
Пахаванне	Барысаў
Грамадзянства	СССР→ Беларусь
Альма-матар	Барысаўскае медыцынскае вучылішча[d] факультэт журналістыкі БДУ (1972)
Месца працы	Адзінства
Прафесійная дзейнасць
Род дзейнасці	паэт
Гады творчасці	1955—1980-я
Мова твораў	руская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў

Біяграфія

Нарадзіўся ў сям'і служачага. У 1955 годзе скончыў барысаўскую сярэднюю школу № 2, працаваў рознарабочым на будоўлі.

У 1956 годзе паступіў вучыцца ў Віцебскі ветэрынарны інстытут на заатэхнічны факультэт. Аднак з-за цяжкай хваробы быў вымушаны спыніць вучобу на другім курсе.

У 1962 годзе скончыў фельчарскае аддзяленне Барысаўскага медыцынскага вучылішча. У 1963 годзе арганізаваў і ўзначаліў літаратурнае аб'яднанне пры барысаўскай аб'яднанай газеце «Камуністычная праца». У 1972 годзе завочна скончыў чатыры курсы факультэта журналістыкі Беларускага дзяржаўнага ўніверсітэта.

З 1970 года член Саюза пісьменнікаў СССР і Беларусі.

Памёр 31 мая 1994 года. Пахаваны ў Барысаве^[1].

Творчасць

Першы верш надрукаваў у 1955 годзе (барысаўская газета «Бальшавіцкая трыбуна»). Аўтар зборнікаў вершаў «Пускай не умирают звезды» (1968), «Ливень» (1975), «Преодоление» (1979) — героі вершаў няскораныя і моцныя духам людзі, якія вераць ў свае сілы. Аўтар кніг паэзіі для дзяцей «Как пингвину шили фрак» (1970), «Почемучка» (1973), «Трубач» (1976), «На весёлай карусели» (1984).

Пераклаў на рускую мову асобныя творы П. Броўкі, С. Грахоўскага, Е. Лось, У. Нядзведскага, А. Сербантовіча.

Зноскі

1. Раманаў — Станкевіч – Белліт  (бел.) (14 ліпеня 2023). Праверана 14 чэрвеня 2024.