Мабілізацыя ў Расіі (2022)

21 верасня 2022 года, упершыню ў сучаснай гісторыі Расіі^[1], указам прэзідэнта Уладзіміра Пуціна^[2][3] была абвешчана мабілізацыя. Мерапрыемствы разгорнуты ў ходзе ўварвання ва Украіну і неўзабаве пасля Харкаўскага контрнаступлення УСУ^[4].

Провады мабілізаваных, плошча Нахімава, Севастопаль.

Пуцін раней пазбягаў абвяшчэння мабілізацыі і некалькі разоў абяцаў не праводзіць яе^[5], але страты асабістага складу^[6][7], недахоп войск для ўтрымання фронту працягласцю больш за 2000 км і заклікі нацыяналістаў, якія падтрымлівалі вайну, пераканалі яго^[8].

Афіцыйныя асобы заявілі аб мабілізацыі 300 тысяч чалавек^[1].

Частку свежамабілізаваных адразу адправілі на перадавую для закрыцця праломаў у абароне. Ужо з кастрычніка 2022 года яны пачалі несці істотныя страты^[9], трапляць у палон або адступаць. Часці сутыкнуліся з недастатковым забеспячэнням, адсутнасцю сувязі і камандавання^[10].

28 кастрычніка 2022 года міністр абароны Сяргей Шайгу паведаміў Пуціну аб завяршэнні мабілізацыйных мерапрыемстваў^[11][12].