Магілёўскі металургічны завод

Магілёўскі металургічны завод — прадпрыемства чорнай металургіі ў горадзе Магілёве, Беларусь. Асноўнай прадукцыяй завода з’яўляюцца сталёвыя трубы, чыгуначныя восі і тэхнічны шрот. Таксама вырабляюцца сталёвыя профілі, чыгунныя запаўняльнікі, мастацкае ліццё.

«Магілёўскі металургічны завод»
альтэрн.: Магілёўскі мэталюргічны завод[1]
Тып	Адкрытае акцыянернае таварыства
Заснаванне	1932
Краіна	Беларусь[2]
Размяшчэнне	Рэспубліка Беларусь, Магілёўская вобласць, горад Магілёў
Адрас	Магілёў[3]
Ключавыя постаці	генеральны дырэктар Цімафееў Альберт Эдуардавіч
Галіна	Чорная металургія
Прадукцыя	трубы, тэхнічны шрот, чыгуннае ліццё
Уласны капітал	3,9 млн Br (31 снежня 2020)[4]
Абарот	64,9 млн Br (2020)[4]
Чысты прыбытак	−1,07 млн Br (2020)[4]
Актывы	197 млн Br (31 снежня 2020)[4]
Колькасць супрацоўнікаў	1 000 чал. (2018)[5]
Матчына кампанія	ААТ БМЗ - кіруючая кампанія холдынгу БМК[6][7]
Сайт	mmz.by

Гісторыя

Магілёўскі металургічны завод з’яўляецца адным з найстарэйшых прамысловых прадпрыемстваў абласнога цэнтра. У канцы 1920-х на паўночна-ўсходняй ўскраіне горада Магілёва пачалося будаўніцтва. 6 лістапада 1932 года Магілёўскі, тады трубаліцейны завод святкаваў свой Дзень нараджэння: быў зроблены пробны пуск трубаліцейнага цэха — адлітая першая чыгунная вадаправодная труба дыяметрам 150 мм. У вайну абсталяванне завода было эвакуявана ў глыбокі тыл на Урал. У 1944-48 гг.. завод быў адбудаваны. У сакавіку 1953 года завод асвоіў вытворчасць чыгуннага дахавага ліста. У 1959 упершыню ў СССР тут былі атрыманы трубы, адлітыя напаўнеперарыўным спосабам. Асваенне гэтай тэхналогіі ў пачатку 1960-х ператварыла БССР у экспарцёра трубапракатнай прадукцыі ў рэспублікі Прыбалтыкі і на новабудоўлі Расіі і Украіны. У 1980-х завод перайшоў да вытворчасці электразварных труб, для чаго было адкрыта тры трубапракатных станы. Гэты тэхналагічны паварот вызначыў далейшую спецыялізацыю прадпрыемства. У 2003 уведзены ў эксплуатацыю ўчастак па вытворчасці чыгунных люкаў і дажджапрыёмнікаў. У 2006 годзе ААТ «ММЗ» ўвайшло ў склад вытворчага аб’яднання «Беларускі металургічны завод».

Прадукцыя

У цяперашні час Адкрытае акцыянернае таварыства «Магілёўскі металургічны завод» вырабляе наступную сертыфікаваную прадукцыю:^[8]

• Трубы сталёвыя электразварныя прасташвоўныя ДАСТ 10704-91, ДАСТ 10705-80;
• Трубы сталёвыя вадагазаправодныя ДАСТ 3262-75;
• Трубы сталёвыя профільныя ДАСТ 8639-82, ДАСТ 8645-68, ДАСТ 13663-86;
• Профілі сталёвыя гнутыя замкнёныя зварныя квадратныя і прастакутныя для будаўнічых канструкцый ДАСТ 30245-2003;
• Профілі полыя зварныя канструкцыйныя халоднай фармоўкі з нелегіраванай сталі DIN EN 10219-1,2;
• Шрот тэхнічны чыгунны адліваны і колаты ДАСТ 11964-81;
• Шрот чыгунны адліваны баластны ТУ BY 700123720.010-2013;
• Люкі чыгунныя для назіральных калодзежаў ДАСТ 3634-99, EN 124;
• Восі чарнавыя вагонныя;
• Запаўняльнік для асабліва цяжкіх бетонаў ТУ BY 700123720.054-2013;
• Запаўняльнікі чыгунныя адліваныя і колатыя ТУ BY 700123720.017-2013;
• Тавары народнага спажывання;
• Малыя архітэктурныя формы.

Зноскі

1. Беларуская служба Радыё «Свабода» — 2006. Праверана 10 ліпеня 2025.

   <a href='https://wikidata.org/wiki/Track:Q13028748'></a><a href='https://wikidata.org/wiki/Track:Q485500'></a>
2. https://mmz.by/by/info/bankovskie-rekvizity/ — 2025.
3. http://www.mmz.by/rekvizity/
4. https://mmz.by/upload/iblock/8cc/ycm0lk220sqwu10fxwksdvgyagsu3p8p.pdf — 2021. Праверана 10 ліпеня 2025.
5. Беларуская служба Радыё «Свабода» — 2018. Праверана 10 ліпеня 2025.

   <a href='https://wikidata.org/wiki/Track:Q13028748'></a><a href='https://wikidata.org/wiki/Track:Q485500'></a>
6. https://www.belsteel.com/about/sostav-holdinga-bmk.php
7. https://eng.belsteel.com/about/about-holding.php
8. http://www.mmz.by/