Максім Сяргеевіч Тарасенка
расійскі ютубер From Wikipedia, the free encyclopedia
Remove ads
Максім Сяргеевіч Тарасенка (руск.: Макси́м Серге́евич Тарасе́нко[1]), больш вядомы як Брайн Мапс (руск.: Брайн Мапс; англ.: TheBrianMaps; нар. 25 верасня 1999, Кінель, Самарская вобласць, Расія[2]) — расійскі відэаблогер[3], адзін з самых папулярных відэаблогераў рускамоўнага сегмента відэахостынгу YouTube[4]. Станам на снежань 2020 канал мае больш 14,5 млн падпісчыкаў і 3,3 млрд праглядаў.
Remove ads
Біяграфія
Максім Тарасенка нарадзіўся 25 верасня 1999 года ў горадзе Кінель Самарскай вобласці[2].
У цяперашні час жыве ў Санкт-Пецярбургу.
Гісторыя
10 чэрвеня 2011 года быў створаны першы YouTube-канал Брайна Мапса, пад назвай «Maxutko99»[5][2]. На ім выходзілі відэаролікі цалкам рознай тэматыкі: летсплеі, навучальныя відэа і агляды ролікаў з інтэрнэту. Да таго як Максім стварыў свой першы канал, ён здымаў разам са сваім сябрам шоў-агляд з назвай «Тыгр Шоу». Яно з’яўляецца пародыяй на папулярнае інтэрнэт-шоу «+ 100500», але ў ім удзельнічаюць цацкі ў выглядзе жывёл. Прыкладна палова ўсіх ролікаў была выдаленая з канала «Maxutko99», таму на ім засталося толькі 29 ролікаў. 3 чэрвеня 2012 года выйшла апошняе відэа, і канал быў зачынены.
Праз 1 дзень, 4 чэрвеня 2012 Брайн адкрывае новы канал «TheBrianMaps»[6], які вядзе і па гэты дзень. Пачаў свой творчы шлях з летсплееў па Minecraft[7]. Затым перайшоў на такія відэа, як блогі, падкасты, летсплеі (па іншых гульнях). Аднойчы, пражываючы ў Кінеле, ён пасля заканчэння школы вырашае пераехаць у Санкт-Пецярбург для навучання ў каледжы і развіцця ў відэаблогерскай сферы. Ужо будучы там, Брайн актыўна развіваецца ў зняцці на свой канал скетчаў[4]. 29 красавіка 2014 года ён набраў сто тысяч падпісчыкаў, а 23 лістапада 2015 года перайшоў адзнаку ў 2 мільёны падпісчыкаў[8].
У лютым 2016 года быў адным (разам з Машай Вэй, Соняй Есьман і Кацяй Клэп) з чатырох намінантаў на прэмію Nickelodeon Kids' Choice Award у намінацыі «Любімы расійскі відэаблогер», але на сакавіцкай цырымоніі прыз сышоў Соне Есьман.
19 лютага 2016 года яго канал заблакаваны з-за парушэнні гульні Minecraft. 18 красавіка 2016 года яго канал разблакавалі.
У ліпені таго ж года перамог у арганізаваным «Твітэрам» першым расійскім конкурсе відэаблогераў #TwitterStar, абышоўшы Кацю Клэп і Яна Гардзіенка. Падчас твітэр-галасавання за яго было аддадзена 1 268 291 галасоў (твітаў) супраць 1 267 041 за Кацю Клэп і 66 930 за Яна Гардзіенка[9].
9 красавіка 2019 года набраў дзесяць мільёнаў падпісчыкаў, у сувязі з чым анансаваў прымеркаваны да юбілею кароткаметражны фільм «Апошняя кнопка»[10]. Ён быў выпушчаны на канале 23 ліпеня 2019 года ў жанрах трылер, жахі і камедыя.
29 сакавіка 2020 года на канале TheBrianMaps быў выкладзены скетч «Сябры назаўжды», які фактычна з’яўляецца працягам кароткаметражнага фільма «Апошняя кнопка». Апошні скетч, які выйшаў на канале Брайна, апублікаваны 5 мая 2020 года пад назвай «Наш апошні дзень».
Remove ads
Зноскі
- У адным з відэа, дзе Брайн адказваў на пытанні падпісчыкаў (у 6-й частцы), ён сказаў свае сапраўдныя Ф.I.О. — Тарасенка, Максім Сяргеевіч (на 01:45)
- Архіўная копія(недаступная спасылка). Архівавана з першакрыніцы 24 лютага 2019. Праверана 29 снежня 2020.
Спасылкі
Wikiwand - on
Seamless Wikipedia browsing. On steroids.
Remove ads