Манрэальскі кінафестываль

Манрэальскі міжнародны кінафестываль (фр.: Le Festival des films du monde; FFM) — кінафестываль, які праходзіць штогод у канцы жніўня ў горадзе Манрэаль, правінцыя Квебек. Адзін з найстарэйшых у Канадзе.

Манрэальскі кінафестываль
Месца	Манрэаль
ffm-montreal.org

Мэты фестывалю:

• Садзейнічаць культурнай разнастайнасці і ўзаемаразуменню паміж краінамі;
• Прасоўваць якаснае кіно, каб развіваць кінамастацтва на ўсіх кантынентах;
• Прасоўваць новыя таленты і наватарскія работы;
• Праводзіць сустрэчы прафесіяналаў з усяго свету^[1].

Фестываль акрэдытаваны FIAPF.

Гісторыя

У 2004 годзе кінафестываль пазбавілі спонсарскай падтрымкі дзяржаўныя кампаніі SODEC і Telefilm Canada з-за канфлікту з прэзідэнтам фестывалю Serge Losique, кіраўніцтва якога ацэньваецца неадназначна^[2].

У ліпені 2007 года Серж адклікаў іскі да папярэдніх спонсараў, у выніку чаго фінансаванне было адноўлена^[3].