Марка Мірыч

Марка Мірыч (сербск.: Марко Мирић; нар. 26 сакавіка 1987) — сербскі футбаліст, паўабаронца клуба «Младаст» з Лучані.

Марка Мірыч
Агульная інфармацыя
Нарадзіўся	26 сакавіка 1987(1987-03-26)[1] (38 гадоў) Крагуевац, абшчына Крагуевац[d], Шумадыя і Помараўе[d], Сацыялістычная Рэспубліка Сербія, СФРЮ
Грамадзянства	Сербія
Рост	193 см
Вага	82 кг
Пазіцыя	нападнік
Інфармацыя пра клуб
Клуб	Младаст (Лучані)
Нумар	70
Маладзёжныя клубы
1995—2005 Застава (Крагуевац)
Клубная кар’ера[* 1]
2005—2006 Водаяжа (Грошніца) 27 (7) 2006—2009 Металац (Горні Міланавац) 54 (3) 2009—2011 Спартак Злацібар Вода 69 (10) 2012—2013 Црвена Звезда (Бялград) 18 (1) 2013 →  Раднічкі (Крагуевац) 11 (0) 2014 Мінск 15 (3) 2014—2015 Славен Бялупа (Капрыўніца) 30 (10) 2015—2019 Локерэн 106 (20) 2019—2020 Борац (Баня-Лука) 18 (1) 2020—2022 Раднічкі (Крагуевац) 60 (16) 2022— Младаст (Лучані)
Нацыянальная зборная[* 2]
2010—2011 Сербія 3 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 7 верасня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 9 верасня 2019
Медыяфайлы на Вікісховішчы

Клубная кар’ера

Сербскі перыяд

Пачынаў кар’еру ў клубе «Металац», пасля паспяхова гуляў за «Спартак Злацібар Вода». У 2012 годзе быў запрошаны ў «Црвену Звезду», але не здолеў замацавацца ў аснове сталічнага клуба, хоць і выйграў разам з ім Кубак Сербіі. У першай палове 2013 года на правах арэнды гуляў за «Раднічкі».

«Мінск»

У студзені 2014 года перайшоў у беларускі клуб «Мінск»^[2]. У мінскім клубе выступаў як флангавы паўабаронца, але нярэдка гуляў як цэнтральны нападнік^[3]. Стаў адным з лепшых ігракоў каманды, забіўшы ў чэмпіянаце 3 галы і аддаўшы 3 галявыя перадачы. У ліпені 2014 года пакінуў «Мінск» па пагадненні бакоў^[4].

«Славен Бялупа»

У жніўні 2014 года падпісаў кантракт з харвацкім клубам «Славен Бялупа»^[5]. Здолеў правесці паспяховы сезон у Харватыі, забіўшы 10 галоў у чэмпіянаце.

«Локерэн»

Улетку 2015 года перабраўся ў стан бельгійскага «Локерэна», дзе гуляў на працягу чатырох гадоў і быў адным з асноўных нападнікаў.

Апошнія гады

У ліпені 2019 года перайшоў у баснійскі клуб «Борац» з Баня-Лукі. У жніўні 2020 года зноў далучыўся да «Раднічкаў», дапамог гэтаму клубу па выніках сезона 2020/21 выйсці ў Суперлігу. У верасні 2022 года перабраўся ў «Младаст».

Міжнародная кар’ера

У 2010—2011 гадах прыцягваўся да нацыянальнай зборнай Сербіі. Дэбютаваў за зборную Сербіі ў таварыскім матчы са зборнай Балгарыі 17 лістапада 2010 года. Усяго згуляў за зборную ў трох таварыскіх матчах.

Дасягненні

• Уладальнік Кубка Сербіі: 2012
• Пераможца Першай лігі Сербіі: 2020/21