Марыйская Аўтаномная Савецкая Сацыялістычная Рэспубліка

Марыйская Аўтаномная Савецкая Сацыялістычная Рэспубліка (руск.: Марийская Автономная Советская Социалистическая Республика, лугавамар. Марий Автоном Совет Социализм Республик) — адміністрацыйна-тэрытарыяльная адзінка РСФСР у 1936—1993 гадах. Сталіца — горад Яшкар-Ала.

Марыйская Аўтаномная Савецкая Сацыялістычная Рэспубліка
Марийская Автономная Советская Социалистическая Республика Марий Автоном Совет Социализм Республик
Герб Сцяг
Краіна	СССР
Статус	Аўтаномная рэспубліка
Уваходзіць у	РСФСР
Адміністрацыйны цэнтр	Яшкар-Ала
Дата ўтварэння	5 снежня 1936
Дата скасавання	22 кастрычніка 1990 года
Афіцыйныя мовы	руская, марыйская
Насельніцтва (1973)	691 000 (0,3[заўв 1] %)
Шчыльнасць	29,8 чал./км²
Нацыянальны склад	марыйцы, рускія, татары
Плошча	23 200 км² (0,1[заўв 2] %)
Вышыня над узроўнем мора  • Найвышэйшы пункт  • Самы нізкі пункт	275 м  каля 50 м
Часавы пояс	UTC+3 (улетку UTC+4)
Абрэвіятура	Марыйская АССР, МАССР
Узнагароды

Гісторыя

Марыйская АССР была ўтворана 5 снежня 1936 года паводле канстытуцыі СССР 1936 года ў выніку пераўтварэння Марыйскай аўтаномнай вобласці, створанай 4 лістапада 1920 года як аўтаномнага тэрытарыяльнага ўтварэння для горных і лугавых марыйцаў.

22 кастрычніка 1990 года паводле рашэння Вярхоўнага Савета Марыйскай АССР была ператворана ў Марыйскую Савецкую Сацыялістычную Рэспубліку (МССР). 24 мая 1991 года З’езд народных дэпутатаў РСФСР зацвердзіў гэтае рашэнне, для чаго ўнёс папраўкі ў Канстытуцыю РСФСР 1978 года^[1].

9 снежня 1992 года З’езд народных дэпутатаў Расійскай Федэрацыі перайменаваў Марыйскую ССР у Рэспубліку Марый Эл, для чаго ўнёс папраўку ў артыкул 71 Канстытуцыі Расійскай Федэрацыі — Расіі^[2]. Гэтая папраўка набыла моц з моманту апублікавання ў «Расійскай газеце» 12 студзеня 1993 года^[3].

Адміністрацыйны падзел

У склад Марыйскай АССР уваходзілі 14 раёнаў.

На тэрыторыі Марыйскай АССР меліся 3 гарады (Яшкар-Ала, Волжск, Казьмадзям’янск) і 14 пасёлкаў гарадскога тыпу^[4].

Нацыянальны склад

Паводле перапісу 1970 года:

• рускія — 321 тысяча чалавек (46,9 %)
• марыйцы — 299 тысяч чалавек (43,6 %)
• татары — 40 тысяч чалавек (5,8 %)
• чувашы — 9 тысяч чалавек (1,3 %)
• украінцы — 5 тысяч чалавек (0,7 %)
• іншыя — 11 тысяч чалавек (1,7 %)^[4]

Гл. таксама

• Марыйская аўтаномная вобласць
• Марый Эл

Заўвагі

1. ад насельніцтва СССР у 1973 годзе
2. ад плошчы СССР у 1991 годзе