Марына Пятроўна Дзяругіна

Марына (Марыя) Пятроўна Дзяругіна (25.09.1924, Мінск —) — беларуская ўрач-педыятр, арганізатар аховы здароўя. Заслужаны ўрач БССР (1981)^[1].

Марына Пятроўна Дзяругіна
Дата нараджэння	25 верасня 1924(1924-09-25) (100 гадоў)
Месца нараджэння	Менск, Менская акруга, Беларуская ССР, СССР
Род дзейнасці	педыятр, медыцынскі адміністратар, папулярызатар навукі
Месца працы	НДІ аховы мацярынства і дзяцінства[d]
Альма-матар	Мінскі медыцынскі інстытут (1951)
Узнагароды

У Вікіпедыі ёсць артыкулы пра іншых людзей з прозвішчам Дзяругіна.

Біяграфія

Скончыла Мінскі медыцынскі інстытут (1951). Педыятр, загадчыца дзіцячай кансультацыі, намеснік галоўнага ўрача Браслаўскай раённай бальніцы (1951—1960). Кіраўнік арганізацыйна-метадычнага аддзела Беларускага навукова-даследчага інстытута аховы мацярынства і дзяцінства (з 1960)^[1].

Навуковая дзейнасць

Вывучала фізічнае развіццё дзяцей, распаўсюджанасць алергічных захворванняў, пытанні арганізацыі стацыянарнай дапамогі дзецям, у тым ліку спецыялізаванай^[1].

Суаўтар (з Г. А. Калюжыным) неаднаразова перавыдаванага дапаможніка для маладых бацькоў «Ад калыскі да школы», ганараванага ў 1980 годзе дыпломам Усесаюзнага конкурсу за лепшы твор навукова-папулярнай літаратуры^[1].

Зноскі

1. 90 лет со дня рождения Марины Петровны Дерюгиной (руск.)