Марыя Іосіфаўна Ткачук

У Вікіпедыі ёсць артыкулы пра іншых людзей з прозвішчам Ткачук.

Марыя Іосіфаўна Ткачук (7 кастрычніка 1924, Станіславаў, Польская Рэспубліка — 28 жніўня 2022) — беларуская эканаміст, спецыяліст у галіне фінансаў, грашовага абарачэння і крэдыту. Доктар эканамічных навук (1974), прафесар.

Марыя Іосіфаўна Ткачук
Дата нараджэння	7 кастрычніка 1924(1924-10-07)
Месца нараджэння	Станіслаў, Станіслаўскі павет[d], Станіславаўскае ваяводства, Польская Рэспубліка
Дата смерці	28 жніўня 2022(2022-08-28) (97 гадоў)
Дзеці	Алена Фёдараўна Кірэева
Месца працы	Львоўскі інстытут банкаўскай справы Kotarbinski University of Information Technology and Management in Olsztyn[d] Беларускі дзяржаўны эканамічны ўніверсітэт Вармінска-Мазурскі ўніверсітэт
Навуковая ступень	доктар эканамічных навук
Навуковае званне	прафесар
Альма-матар	Фінансавы ўніверсітэт пры Урадзе Расійскай Федэрацыі[d] Львоўскі інстытут банкаўскай справы

Біяграфія

Нарадзілася ў кастрычніку 1924 года ў Станіслававе.

Скончыла Львоўскі фінансавы тэхнікум (1945), Маскоўскі фінансавы інстытут (1950; аспірантура, 1954; дактарантура, 1974).

Працавала на Львоўскім абласным фінансавым аддзеле (з 1945), Львоўскім фінансавым тэхнікуме (з 1950), Беларускім дзяржаўным эканамічным універсітэце (1954—1996, прафесар кафедры фінансаў, да 1971 года і ў 1982—1987 гадах — загадчык кафедры), Варміньска-Мазурскім універсітэце (г. Ольштын, Польшча; з 1996, прафесар), Ольштынскай вышэйшай школе кіравання і інфарматыкі (Польшча; 2003—2006, прафесар).

Навуковыя інтарэсы: вывучэнне тэарэтычных і практычных асаблівасцей (узаемасувязей) у галіне фінансаў; аптымізацыя фінансавай дзейнасці прадпрыемстваў; дзяржаўны бюджет; падатковае заканадаўства.

Памерла 28 жніўня 2022 года^[1].

Сям’я

• Дачка — Святлана Фёдараўна Зубарава, нар. 1958, кандыдат эканамічных навук, супрацоўніца Беларускага дзяржаўнага эканамічнага ўніверсітэта^[2].
• Дачка — Алена Фёдараўна Кірэева, нар. 1963, доктар эканамічных навук, прафесар, загадчыца кафедры падаткаў і падаткаабкладання Беларускага дзяржаўнага эканамічнага ўніверсітэта^[2].

Бібліяграфія

• Финансовое планирование и проблемы его совершенствования : автореферат диссертации … доктора экономических наук : 08.00.10 / Ткачук Мария Иосифовнв. — Москва, 1974.
• Бюджет города Львова : автореферат диссертации … кандидата экономических наук / М. Ткачук. ― Москва, 1954.
• Analiza ekonomiczna przedsiębiorstwa / Maria Tkaczuk, Maria Dębniewska. — Olsztyn, 1998.
• Podstawy metodologiczne zarządzania finansami przedsiębiorstw / Maria Tkaczuk. — Olsztyn, 2002.