Менекей (сын Крэонта)

У Вікіпедыі ёсць артыкулы пра іншых людзей з імем Менекей.

Менекей (стар.-грэч.: Μενοικεύς) — персанаж старажытнагрэчаскай міфалогіі^[1]. У шэрагу крыніц (у Эсхіла і Сафокла) яго імя Мегарэй (Μεγαρεύς, «мегарац»). Малодшы сын фіванскага цара Крэонта і Эўрыдыкі. Мегарэй — абаронца Фіваў^[2], стаяў каля Неставых варот^[3].

Прынёс сябе ў ахвяру Арэсу пры аблозе Фіваў, закалоўшы сябе перад гарадскімі варотамі^[4]. Або кінуўся ўніз са сцяны^[5]. Закалоўшы сябе, зваліўся ўніз з вежы^[6], каб загладзіць гнеў Арэса за смерць цмока^[7]. У Сафокла згадана яго смерць^[8]. Яго надмагільны помнік у Фівах, каля Неістэйскіх варот, на яго магіле вырасла гранатавае дрэва^[9].

Дзеючая асоба трагедыі Еўрыпіда «Фінікіянкі».