Мерыем Рашыдаўна Герасіменка

У Вікіпедыі ёсць артыкулы пра іншых людзей з прозвішчам Герасіменка.

Мерыем Герасіменка (нар. 23 студзеня 1994) — беларуская спявачка, палітычная зняволеная^[1].

Мерыем Герасіменка
Поўнае імя	Мерыем Рашыдаўна Герасіменка
Дата нараджэння	23 студзеня 1994(1994-01-23) (31 год)
Краіна	Беларусь
Музычная дзейнасць
Прафесіі	спявачка
Інструменты	вакал

Вучылася ў юрыдычным каледжы, скончыла юрыдычны факультэт БДУ.

Спачатку музыка была хобі. Удзельнічала ў многіх музыкальных тэлепраектах, у тым ліку ўкраінскім «Голосі країни». Заснавала музыкальную школу Music Space у Мінску. Заснавальніца і салістка музычнага калектыва Meriem Band.

Спявала 3 жніўня 2022 года ў мінскім бары «Банки-бутылки» песню «Океана Ельзи» «Обійми», 4 жніўня яе схапілі за гэта. Таксама быў схоплены гаспадар бара Андрэй Жук і яго жонка Марыя Жук. Двойчы адбыла 15 сутак зняволення, матываваных адміністрацыйным артыкулам, потым засталася ў зняволенні, матываваным ужо крымінальным артыкулам 342 КК Беларусі (Актыўны ўдзел у групавых дзеяннях, якія груба парушаюць грамадскі парадак). 20 студзеня 2023 года суддзя Вікторыя Шабуня ў будынку суда Цэнтральнага раёна Мінска прысудзіла яе да трох гадоў абмежавання волі.

У студзені 2024 года пакінула Беларусь.