Метраном

Метрано́м (грэч. μέτρον — мера, νόμος — закон) — прыбор, здольны вырабляць адвольную колькасць тактавых доляў часу на слых. Служыць як дапаможны прыбор для ўстанаўлення дакладнага тэмпу ў музычным творы.

Метраном

Звычайна метраном складаецца з драўлянага корпуса пірамідальнай формы, адна з граняў якога зрэзана; на гэтым зрэзе знаходзіцца ківач з грузікам. Пазіцыя грузіка ўплывае на частату удараў метранома: чым вышэй грузік, тым радзей ўдары, і, адпаведна, чым грузік ніжэй, тым ўдары часцей. За маятнікам размешчана шкала, па якой устанаўліваецца частата удараў.

Акрамя механічных, існуюць і электронныя метраномы.

Таксама метраном можа выкарыстоўвацца падчас фізічных практыкаванняў, лабараторных даследаванняў, у якасці музычнага інструмента («Сімфанічная паэма для 100 метранома» Дзьёрдзя Лігеці, Сюіта з музыкі да фільма «Мёртвыя душы» Альфрэда Шнітке).

У блакадным Ленінградзе, калі радыё не працавала, у эфіры стукаў метраном: хуткі тэмп азначаў паветраную трывогу, павольны тэмп – адбой.

Гл. таксама

• Метраном у Празе

Спасылкі

• Віртуальны метраном Архівавана 21 студзеня 2013.