Музей Ванкувера

Музей Ванкувера (англ.: Museum of Vancouver (MOV), раней Vancouver Museum) — самы вялікі грамадзянскі музей Канады. Музей Ванкувера быў адкрыты ў 1894 годзе; у 2008 годзе яго канцэпцыя была цалкам перапрацавана. Музей знаходзіцца ў адным будынку з Касмічным цэнтрам імя Макмілана  (англ.).

Музей Ванкувера
Заснаваны	1894
Адкрыты	1894
Краіна	Канада
Месцазнаходжанне	1100 Chestnut Street, BC V6J 5E5, Ванкувер
Наведвальнікі	78 000 чал.
Адрас	1100 Chestnut Street, Vancouver, BC V6J 3J9
Тэлефон	[phone][1]
Адкрыты	аўт-нядз 10:00-17:00, чат 10:00-20:00
museumofvancouver.ca (англ.)

Інфармацыя пра музей

Музей быў заснаваны Асацыяцыямі мастацтва, навукі і гісторыі Ванкувера і быў адкрыты 17 красавіка 1894 года^[2]. Экспазіцыі размяшчаліся ў розных месцах, пакуль музей не здабыў сваё сталае месца ў цэнтры Карнегі  (англ.) 15 красавіка 1905. У 1968 годзе музей быў пераназваны ў Музей Стагоддзя Канады і быў перамешчаны ў будынак, у якім размяшчаецца дагэтуль, а ў 1981 вярнуў сваю ранейшую назву^[3]. Увесну 2009 была прадстаўлена новая канцэпцыя музея як адлюстравання горада, яго гісторыі і жыхароў. У 2010 за паспяховае развіццё гэтага новага кірунку музей атрымаў узнагароду ад Канадскай Асацыяцыі Музеяў (Canadian Museums Association)^[3].

У зборы музея знаходзяцца розныя артэфакты, сабраныя па ўсім свеце, сярод якіх мумія, набытая ў Егіпце, калекцыі XIX і XX стагоддзяў.

Зноскі

1. https://museumofvancouver.ca/
2. "Our detailed History, " Museum of Vancouver online Архівавана 19 ліпеня 2011..
3. History of the Museum Архівавана 26 жніўня 2011.