Музей гісторыі архітэктуры Сафійскага сабора
From Wikipedia, the free encyclopedia
Remove ads
Музей гісторыі архітэктуры Сафійскага сабора размяшчаецца ў Полацкім Сафійскім саборы, помніку архітэктуры сярэдзіны XI - сярэдзіны XVIII стагоддзяў. Тут рэгулярна праводзіцца Міжнародны фестываль арганнай музыкі «Званы Сафіі».
Remove ads
Гісторыя
Музей гісторыі архітэктуры Сафійскага сабора быў адкрыты ў 1987 годзе. У 1983 годзе ў Сафійскім саборы была адкрыта Канцэртная зала, разлічаная на 304 месцы.
Экспазіцыя
Музей прысвечаны гісторыі старажытнай каменнай пабудовы на тэрыторыі сучаснай Беларусі. У Сафійскім саборы дэманструюцца фрагменты муроўкі XI стагоддзя, старажытны падмурак, а таксама фрэскавыя роспісы канца ХІ стагоддзя. Экспазіцыйная плошча складае 870 кв. м.
У экспазіцыі музея таксама прадстаўлена калекцыя драўлянай культавай скульптуры XVIII—XIX стагоддзяў з фондаў Нацыянальнага Полацкага гісторыка-культурнага музея-запаведніка. Сярод скульптур фігуры Арханёла Міхаіла (XVIII ст.), Апостала Пятра (сярэдзіна XVIII ст.), Апостала Фамы (?; XVIII ст.), Яна Непамука (XVIII ст.), невядомага святага вышэйшага духоўнага сану каталіцкай царквы (XVIII ст.), святара дамініканскага ордэна (XVIII ст.), парная кампазіцыя з анёламі (XVIII ст.), фрагмент кампазіцыі Уваскрэсення Хрыстова (XVIII—XIX стст.), каталіцкае распяцце (XVIII—XIX стст.), уніяцкае распяцце (XIX ст.) і інш.
Remove ads
Літаратура
- Музеі Беларусі=Museums Belarus: Інфармацыя аб музеях сістэмы Мін-ва культуры Рэсп. Беларусь / Склад. А. Б. Сташкевіч [і інш.]; Пер. з бел. мовы А. Б. Сташкевіч, В. У. Мірончык. — Мн.: Беларусь, 2001. — 272.
- Полацк музейны: альбом = Полоцк музейный = Museums of Polotsk: фотаальбом / аўт.-ўклад.: Т. А. Джумантаева, М. М. Ільніцкі, фота I.У. Супранёнка, пер. на англ. мову Ю. В. Бажэнаў. — Мн.: Беларусь, 2006. — 282 с.
Спасылкі
- Афіцыйны сайт Музея гісторыі архітэктуры Сафійскага сабора (Полацк) Архівавана 21 студзеня 2013.
Wikiwand - on
Seamless Wikipedia browsing. On steroids.
Remove ads