Музей крапінскіх неандэртальцаў

Музей крапінскіх неандэртальцаў (харв.: Muzej krapinskih neandertalaca), таксама Палеанталагічны музей — археалагічны музей, размешчаны ў харвацкім горадзе Крапіна, паблізу ад Заграба.

Музей крапінскіх неандэртальцаў
Muzej krapinskih neandertalaca
Уваход у музей
Заснаваны	2010
Краіна	Харватыя
Месцазнаходжанне	Крапіна, Харватыя
mkn.mhz.hr (харв.)
Медыяфайлы на Вікісховішчы

Скульптурная выява неандэртальца

Рэканструкцыя знешнасці крапінскіх неандэртальцаў

У музеі прадстаўлены экспанаты старажытнай гісторыі чалавека, перш за ўсё, рэчы з жыцця неандэртальцаў, якія жылі тут 130 000 гадоў назад^[1]. Крапінскія неандэртальцы практыкавалі канібалізм^[2] і хварэлі на рак^[3].

У 2010 годзе, пасля 10-гадовага будаўніцтва, быў адкрыты новы музей на 1200 кв. м, які лічыцца самым сучасным у Еўропе. З дапамогай аўдыёсістэмы можна праслухаць экскурсію на англійскай, харвацкай, нямецкай, французскай і італьянскай мовах. Музею належыць таксама месца раскопак, размешчанае непадалёк, дзе ў 1899 годзе былі знойдзены косці неандэртальцаў.

Музей размешчаны ў парку, упрыгожаным скульптурнымі выявамі жывёл эпохі плейстацэну і першабытных людзей.

Гл. таксама

• Пячора Віндзія

Зноскі

1. Einführung zu Krapina. In: Hugo Obermaier-Gesellscgaft (Hrsg.): 51 Annual Meeting in Ljublana. Erlangen (PrintCom oHG) 2009, S. 59-62 ISBN 978-3-937852-03-4 (PDF)(недаступная спасылка)
2. Древнейшие больезни человечества(недаступная спасылка)
3. Неандертальцам стоило бы посещать онколога...