Мунку-Сардык
From Wikipedia, the free encyclopedia
Remove ads
Мунку-Сардык (бур. Мүнхэ Һарьдаг) — найвышэйшая вяршыня Саян, вышыня 3491 м. Размешчана на мяжы Бураціі (Расія) і Манголіі.
Хрыбет Мунку-Сардык мае альпійскі рэльеф, з горнымі далінамі ледавіковага паходжання. На галоўнай і некаторых іншых вяршынях зараз знаходзіцца чатыры невялікія ледавікі, агульнай плошчай каля 1,3 км². Асноўны паўночны ледавік мае таўшчыню да 85 м, з расколінамі шырынёй да паўметра і глыбінёй да 6 м. У цяперашні час плошча ледавікоў актыўна скарачаецца.
На ўсход ад Мунку-Сардыка ад цясніны Іркут адыходзяць Тункінскія Гальцы. На паўночны ўсход знаходзіцца Акінскае плато, на якім бяруць пачатак буйныя левыя прытокі Ангары — рэкі Ака, Іркут і Кітой. На поўначы на вышыні 2613 м размешчана возера Айхай. З паўднёвага боку, за 12 км ад вяршыні ляжыць возера Хубсугул.
Хрыбет складзены пераважна гранітамі. У рачных далінах да вышыні 2100 м сустракаюцца лясы, вышэй на схілах — альпійскія лугі, горная тундра і камяністыя россыпы — курумы.
 | Артыкулу нестае спасылак на крыніцы. |
Remove ads
Wikiwand - on
Seamless Wikipedia browsing. On steroids.
Remove ads