Мурожніцкае

Муро́жніцкае, Мурожніца — возера ў Шумілінскім раёне Віцебскай вобласці ў басейне ракі Заходняя Дзвіна, за 10 км у напрамку на паўднёвы ўсход ад гарадскога пасёлка Шуміліна, каля вёскі Язвіна.

Мурожніцкае
Морфаметрыя
Вышыня над узроўнем мора	136 м[1]
Даўжыня	1,4 км
Шырыня	0,26 км
Плошча	0,26 км²
Аб’ём	0,00047 км³
Даўжыня берагавой лініі	3,6 км
Найбольшая глыбіня	3,5 м
Басейн
Плошча вадазбору	38,9 км²
Упадаюць	Мурожніца, каналы
Выцякаюць	Язвінка
Размяшчэнне
Краіна	Беларусь
Рэгіён	Віцебская вобласць
Мурожніцкае
Мурожніцкае

Плошча паверхні возера 0,26 км². Даўжыня 1,4 км, найбольшая шырыня 0,26 км. Даўжыня берагавой лініі 3,6 км. Найбольшая глыбіня 3,5 м. Аб’ём вады 0,47 млн. м³. Плошча вадазбору 38,9 км².
Катлавіна возера выцягнутая ў напрамку з захаду на ўсход. Вышыня схілаў катлавіны 6—10 м. Берагі нізкія, пясчаныя і забалочаныя. Дно возера да глыбіні 0,8 м пясчанае, на большых глыбінях ілістае. У возера ўпадае рака Мурожніца, выцякае рака Язвінка.

За 0,65 км на поўдзень ад возера знаходзіцца геалагічны помнік рэспубліканскага значэння Марозаўскі валун.

Літаратура

• Беларуская энцыклапедыя: У 18 т. Т.11: Мугір — Паліклініка / Рэдкал.: Г. П. Пашкоў і інш. — Мн.: БелЭн, 2000. — Т. 11. — 560 с. — 10 000 экз. — ISBN 985-11-0188-5 (Т. 11).
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 22. — 72 с. — 10 000 экз. — ISBN 978-985-508-136-5. (руск.)