Мустамяэ

Мустамяэ (эст.: Mustamäe — «Чорная гара») — раён горада Таліна, сталіцы Эстоніі.

Мустамяэ
59°24′17″ пн. ш. 24°40′50″ у. д.HGЯO
Краіна	Эстонія
Горад	Талін[d]
Плошча	8,09 км² (1 студзеня 2018)[1]
Насельніцтва	▲68 142 чал. (1 студзеня 2023)[2]
Сайт	tallinn.ee/mustamae/
Медыяфайлы на Вікісховішчы

Геаграфія і мікрараёны

Размешчаны за 5 кіламетраў на паўднёвы захад ад цэнтра Таліна, на дзюністай мясцовасці пад схілам узгорка Мустамягі. Мяжуе на поўдні з раёнам Нымэ, на поўначы — з Хааберсці, на ўсходзе — з Крысційнэ. Ад цэнтра горада да раёна прыкладна 5 км. Асноўнымі вуліцамі з’яўляюцца бульвар Сыпрузэ (у перакладзе з эстонскага бульвар Дружбы), Тамсаарэ (названа ў гонар эстонскага пісьменніка Антона Тамсаарэ), Акадээмія, Эхітаятэ, Кадака, Мустамяэ, Сютістэ, Вільдэ (названа ў гонар пісьменніка Эдуарда Вільдэ).

Плошча Мустамяэ — 8,09 км². Раён уключае 4 мікрараёны: Кадака, Мустамяэ, Сійлі і Сяэзэ.

Сімволіка

Герб: на залатым шчыце зялёная хвоя, якая падымаецца на чорнай гары з трыма вяршынямі, у цэнтры гары васьміканцовая зорка. Залаты колер сімвалізуе пясчанікі Мустамяэ, хвоя адсылае да яго зеляніны. Чорная гара звязана з назвай раёна, залатая зорка сімвалізуе яго культурна-адукацыйны патэнцыял. Сцяг: на жоўтым палотнішчы зялёная хвоя, якая ўзнімаецца на чорнай гары з трыма вяршынямі, у цэнтры гары васьміканцовая зорка. Суадносіны шырыні і даўжыні сцяга 7:9, нармальны памер 105 х 135 см.