Мядзінінскае ўзвышша

Мядзінінскае ўзвышша^[1] (літ.: Medininkų aukštuma) — заходняя частка Ашмянскага ўзвышша, геамарфалагічны падраён на тэрыторыі Літвы. Найвышэйшыя пункты: Аўкштояс (293,8 м, самы высокі пункт Літвы), Юазапіне (293,6 м). На поўначы, на мяжы з Беларуссю ляжыць Буйвідзкае ўзвышша (літ.: Buivydžių aukštuma), яго самы высокі пункт мае абсалютную адзнаку 302 м (ці 301 м) і знаходзіцца ў Астравецкім раёне Беларусі.

Мядзінінскае ўзвышша
літ.: Medininkų aukštuma
Каардынаты: 54°32′ пн. ш. 25°38′ у. д.HGЯO
Размяшчэнне	Літва, Беларусь
Мядзінінскае ўзвышша

Узвышша сфарміравалася ў час сожскага зледзянення, як лёдападзельны масіў, што раздзяляў Вілейскую і Мяркіскую ледавіковыя лопасці. Пазней тэрыторыя апынуася ва ўскраіннай зоне паазерскага ледавіковага покрыва, на схілах і падножжах масіва ў выніку актыўнай дзейнасці ледавіковых языкоў узніклі лускавата-насоўныя і складкаватыя формы. Так з’явілася сістэма невялікіх марэнных масіваў, дробных град і ўзгоркаў, што вызначае сучаснае аблічча мясцовасці.

Панарама Мядзінінскага ўзвышша.