Мікалай Радзівіл (палкоўнік літоўскіх войск)

У Вікіпедыі ёсць артыкулы пра іншых асоб з падобнымі імёнамі, гл. Радзівіл і Мікалай Радзівіл.

Мікалай Радзівіл (польск.: Mikołaj Radziwiłł; 20 кастрычніка 1746 — 3 мая 1795) — палітычны і вайсковы дзеяч Вялікага Княства Літоўскага ў Рэчы Паспалітай.

Мікалай Радзівіл
староста радашковіцкі[d]
Нараджэнне	20 кастрычніка 1746(1746-10-20)
Смерць	3 мая 1795(1795-05-03) (48 гадоў) Шыдловец, Гміна Шыдловец, Шыдлавецкі павет, Мазавецкае ваяводства, Польшча
Род	Радзівілы
Бацька	Леан Міхал Радзівіл[1]
Маці	Ганна Людвіка з Мыцельскіх
Жонка	Марыя з Гаўдзіцкіх[d][1]
Член у	Масонства
Узнагароды

Біяграфія

Паходзіў з літоўскага магнацкага роду Радзівілаў, прадстаўнік шыдлавецкай лініі нясвіжска-алыцкай галіны. Старэйшы сын Леана Міхала Радзівіла, стражніка польнага літоўскага, і Ганны Мыцельскай. Ён нарадзіўся ў 1746 годзе. У 1751 годзе страціў бацьку. Выхоўваўся пад апекай маці. У маладыя гады ён закахаўся ў Марыю Чартарыйскую, але маці была супраць шлюбу, бо Радзівілы і Чартарыйскія былі палітычнымі супернікамі. Толькі пасля смерці Ганны Мыцельскай Мікалай Радзівіл змог бы ажаніцца са сваёй каханай, але яна на той момант ужо мела шлюб. У выніку, ён ажаніўся з прадстаўніцай роду Гаўдзіцкіх.

Выбраў вайсковую кар’еру. У 1786 годзе атрымаў чын палкоўніка літоўскай арміі. Разам з тым ён уступіў у масонскае таварыства. Неўзабаве атрымаў Радашковіцкае староства. Узнагароджаны ордэнам Святога Губерта, а затым Белага Арла. У 1789 годзе стаў кавалерам ордэна Святога Станіслава. Памёр у 1795 годзе, не пакінуўшы спадчыннікаў. Усю яго маёмасць атрымаў у спадчыну брат Мацей.