Мікалай Слупскі

Мікалай Слупскі (1616—1693) — рэлігійны дзеяч Вялікага Княства Літоўскага. Біскуп-суфраган віленскі (з 1669).

Мікалай Слупскі
Мікалай Слупскі. Мастак Ё. Шротэр, XVII ст.
тытулярны біскуп з 3 чэрвеня 1669
Дыяцэзія	Gratianopolis[d]
дапаможны біскуп віленскі з 3 чэрвеня 1669
Дыяцэзія	Віленскае біскупства
Дзейнасць	каталіцкі святар, каталіцкі біскуп
Нараджэнне	1616 ці 1615
Смерць	1693 ці 1691
Медыяфайлы на Вікісховішчы

Біяграфія

У 1649 зрабіўся канонікам Віленскай капітулы, пазней атрымаў ад Папы Рымскага прызначэнне біскупа-суфрагана віленскага. У 1671 абраны біскупам віленскім, аднак кароль і вялікі князь Міхал Карыбут Вішнявецкі прызначыў на гэтую пасаду Мікалая Стэфана Паца.

21 чэрвеня 1678 асвяціў кутні камень Касцёла Святога Францішка Ксаверыя ў Гродна^[1].

Кансэкраваў шэраг касцёлаў на тэрыторыі сучаснай Беларусі: Слонім (бернардзінак, 30 жніўня 1671), Канстанцінава (1671), Касцёл Яна Хрысціцеля ў Камаях (1673), Свір (1680).

Партрэт біскупа Мікалая Слупскага (1677) — апошняя створаная ў Глуску гравюра майстра Аляксандра Тарасевіча^[2].

Зноскі

1. Ян Кучынскі. Кафедральная базіліка Св. Францішка Ксаверыя ў Гродна (фара) // «Слова Жыцця», 2 кастрычніка 2010.
2. Жывапіс. Скульптура. Графіка. (нявызн.)(недаступная спасылка). Магілёўская бібліятэка (9 красавіка 2011). Архівавана з першакрыніцы 4 сакавіка 2016. Праверана 2 кастрычніка 2012.