Мікалай Трафімавіч Каўко

Мікала́й Трафі́мавіч Каўко́ (25 жніўня 1933, в. Міраслаўка Бярэзінскага раёна Мінскай вобласці) — беларускі партыйны і дзяржаўны дзеяч, кіраўнік справамі Савета Міністраў Беларусі (1989—1994)^[2].

Мікалай Трафімавіч Каўко
1-ы Кіраўнік справамі Савета Міністраў Рэспублікі Беларусь 19 верасня 1991 — 1994
Кіраўнік урада	Вячаслаў Кебіч
Папярэднік	пасада заснаваная
Кіраўнік справамі Савета Міністраў БССР 16 ліпеня 1990[1] — 19 верасня 1991
Кіраўнік урада	Вячаслаў Кебіч
Папярэднік	Леў Максімаў
Пераемнік	пасада скасаваная
Нараджэнне	25 жніўня 1933(1933-08-25) (91 год) Міраслаўка, Брадзецкі сельсавет, Бярэзінскі раён, Беларуская ССР, СССР
Адукацыя	Беларускі дзяржаўны інстытут народнай гаспадаркі імя В. У. Куйбышава (1957) Мінская вышэйшая партыйная школа
Узнагароды	Ганаровая грамата Савета Міністраў Рэспублікі Беларусь

Біяграфія

Скончыў планава-эканамічны факультэт БДІНГ імя В. У. Куйбышава (1957), Мінскую вышэйшую партыйную школу.

Працаваў на камсамольскай і партыйнай рабоце, з 1971 года першы сакратар Жабінкаўскага райкама КПБ, з 1977 года працуе ў Брэсцкім аблвыканкаме, адначасова з’яўляючыся інспектарам ЦК КПБ.

З 1979 года загадваў планава-фінансавым аддзелам Упраўлення справамі Савета Міністраў БССР. У 1984 годзе заняў пасаду пастаяннага прадстаўніка Савета Міністраў БССР пры Савеце Міністраў СССР. У 1989—1994 гг. працаваў кіраўніком справамі Савета Міністраў Рэспублікі Беларусь.

Дэпутат Вярхоўнага Савета БССР (1985—1990). Узнагароджаны Ганаровай граматай Савета Міністраў Рэспублікі Беларусь.