Мікоз

Мікоз (грэч. μύκης — грыб) — грыбковая інфекцыя лёгкіх і скуры жывёлаў і чалавека, што выклікаецца ўдыханнем і пранікненнем у скуру грыбковых спораў. Найчасцей пашкоджвае скуру і пазногці пальцаў ступняў і кісцяў, таксама скуру тулава, валасістую частку галавы. Прыводзіць да такіх ускладненняў, як экзэма, алергія, гнойная інфекцыя, рожыстае запаленне.

Mycosis
Дзіця з шолудзямі на скуры валасістай часткі галавы (Індыя)
МКХ-11	1F2Z
МКХ-10	B35.35.-B49.49.
МКХ-10-КМ	B35-B49, B49 і B35.B49
МКХ-9	110110-118.99118.99
МКХ-9-КМ	110-118.99[1][2] і 117.9[2]
DiseasesDB	28821
MeSH	D009181
Медыяфайлы на Вікісховішчы

У паняцця ёсць і іншыя значэнні, гл. Грыбок.

Папярэджанне

Прадухіленню хваробы спрыяюць:

• штодзённае мыццё ног цёплай вадой з мылам;
• выціранне да суха ног між пальцамі пасля душа;
• рэгулярнае ачышчэнне мыйнымі сродкамі дывановых пакрыццяў, падлогі, ваннай, манікюрных нажніцаў і педыкюрных прылад, губак, мачалак;
• нанясенне процігрыбковага крэму, мазі ў гарачы час года;
• адначаснае лячэнне з хворымі сваякамі дзеля ўнікнення паўторнага заражэння;
• хаджэнне абутым у лазні, басейне і спартзале;
• душ з мачалкай і мылам пасля пляжа.

Прычыны

Заражэнню грыбком спрыяюць цяпло і вільгаць у месцах агульнага карыстання (басейн, душавы пакой, лазня, пляж, спартыўная зала), працяглае нашэнне цеснага, нязручнага, невентыляванага абутку, сваякі з захворваннем, дэфармацыя ступняў, парушэнне кровазвароту ў сасудах ног, цукровы дыябет, вузкія міжпальцавыя прамежкі, павышаная патлівасць скуры, мікратраўмы.

Праявы

Напачатку праяўляецца праз пачырваненне, запаленне, сверб скуры. Потым з’яўляюцца пухіркі, якія лопаюцца, ператвараюцца ў эрозіі і трэшчынкі. Пасля іх загойвання назіраецца лушчэнне скуры. Скура становіцца сухой з прыкметнымі раўчукамі. Утвараюцца трэшчыны, адбываецца патаўшчэнне скуры.

Аб грыбковым парушэнні пазногцевых пласцінак сведчыць памутненне, станчэнне, патаўшчэнне пазногцяў, з’яўленне на іх палос і плямаў^[3].

Зноскі

1. Disease Ontology — 2016. Праверана 15 мая 2019.

   <a href='https://wikidata.org/wiki/Track:Q4117183'></a><a href='https://wikidata.org/wiki/Track:Q5282129'></a>
2. Monarch Disease Ontology release 2018-06-29 — 2018-06-29 — 2018. Праверана 3 жніўня 2018.

   <a href='https://wikidata.org/wiki/Track:Q55345445'></a>
3. Вольга Шаўко. У грыбковых інфекцый пазногцяў хуткага лячэння няма // Звязда : Газета. — 2 ліпеня 2008. — № 122 (26235). — ISSN 1990-763x.