Мінск-22

Мінск-22 — савецкая электронная вылічальная машына другога пакалення. Паводле класіфікацыі, прынятай у пачатку вытворчасці, належала да ЭВМ сярэдняга класа. Машына стваралася для вырашэння планава-эканамічных задач у народнай гаспадарцы. З'яўлялася мадэрнізацыяй «Мінск-2», мела магчымасць павелічэння аператыўнай памяці і магчымасць далучэння новых прылад уводу-вываду. Серыйная вытворчасць пачалася ў 1965 годзе.

Тэхнічныя характарыстыкі

• Разраднасць (даўжыня слова): 37 разрадаў;
• Сістэма каманд: 108 каманд, двухадрасная, фармат адрасу залежыць ад рэжыму работы — звычайны рэжым ці рэжым Т;
• Ёмістасць аператыўнай памяці на магнітных сардэчніках (МАЗП): 8192 слоў;
• Цыкл звароту да МАЗП: 24 мксек;
• Ёмістасць знешняй памяці на магнітнай стужцы (8 стужкапрацяжных механізмаў): 100 тыс. слоў на 1 катушку;
• спосаб прадстаўлення інфармацыі: лікі з фіксаванай і нефіксаванай коскай, літарна-лічбавая інфармацыя ў 6-разрадным кодзе М-2 (6 сімвалаў у ячэйцы, знакавы разрад не ужываецца);
• дыяпазон прадстаўлення лікаў:
  • з фіксаванай коскай: 0 ≤ |x| < 1
  • з нефіксаванай коскай: 0,5421010·10⁻¹⁹ — 0,9223372·10¹⁹;
• хуткасць уводу інфармацыі:
  • з перфастужкі: 1000 радкоў/сек
  • з перфакартак: 300 картак/мін;
• хуткасць вываду інфармацыі:
  • на перфастужку: 80 радкоў/сек
  • на перфакарткі: 100 картак/мін;
  • на літарна-лічбавы друкавальны механізм: 25 — 400 радкоў/мін;

Хуткадзейнасць: каля 56 тысяч аперацый/сек; Час выканання асноўных аперацый:

• складанне двух двайковых 37-разрадных лікаў з фіксаванай коскай: 12 мксек;
• складанне двух двайковых 37-разрадных лікаў з нефіксаванай коскай: 75 мксек;
• памнажэнне двух двайковых 37-разрадных лікаў з нефіксаванай коскай: 200 мксек;

Праграмнае забеспячэнне

Для Мінск-22 было распрацавана досыць багатае праграмнае забеспячэнне:

• бібліятэкі стандартных праграм (БСП-63 ці БСП-67);
• сістэма сімвальнага кадавання (ССК);
• аўтакод для вырашэння інжынерных задач «АКИ»;
• транслятар з мовы АЛГЭК (тып КОБОЛ);
• транслятар з мовы АЛГОЛ (МЭИ-3)^[1];
• транслятар з мовы ФАРТРАН;

Зноскі

1. Увод-вывад у Алголе Архівавана 1 сакавіка 2012.