Мінцмайстар

Мінцмайстар^[1], мюнцмайстар (ням.: Münzmeister ад Münze — манета, і Meister — майстар) — пасадавая асоба манетнага двара, якая адказвае за манетную вытворчасць^[1]. Назіраў за прыладамі працы і працоўнымі, дзейнасцю рэзчыкаў штэмпеляў. Кантраляваў разам з мінцпрабірэрам адпаведнасць пробы матэрыялу, што рыхтавалі для чаканкі манет, а таксама вагу гатовых манет. Вёў дакументацыю. У пэўныя часы мінцмайстры чаканілі свае ініцыялы ці манаграму на манетах, якія вырабляў манетны двор.