Міністэрства саўгасаў БССР

Міністэ́рства саўга́саў (саве́цкіх гаспада́рак) Белару́скай ССР — саюзна-рэспубліканскае міністэрства, было ўтворана Указам Прэзідыума Вярхоўнага Савета Беларускай ССР ад 15 лютага 1947 года, які ўсклаў на яго кіраўніцтва збожжавымі, агародніннымі і жывёлагадоўчымі саўгасамі, якія знаходзіліся ў веданні Міністэрства земляробства, Міністэрства жывёлагадоўлі і Міністэрства тэхнічных культур Беларускай ССР.

Міністэрства саўгасаў БССР
скарочана — Мінсаўгас
Пячаткі ўсіх міністэрстваў БССР выкарыстоўвалі герб БССР
Агульная інфармацыя
Краіна	Беларуская ССР
Юрысдыкцыя	Беларуская ССР
Дата стварэння	15 лютага 1947
Дата скасавання	30 мая 1957
Заменена на	Міністэрства сельскай гаспадаркі БССР
Вышэйшае ведамства	Савет Міністраў БССР

У адпаведнасці з Указам Прэзідыума Вярхоўнага Савета БССР ад 24 красавіка 1953 года Міністэрства сельскай гаспадаркі, Міністэрства саўгасаў, Міністэрства меліярацыі, Міністэрства лясной гаспадаркі, упраўленні сельскага і калгаснага будаўніцтва пры Савеце Міністраў БССР і ўпраўленне па справах калгасаў пры Савеце Міністраў БССР аб’яднаны ў адно Міністэрства сельскай гаспадаркі і нарыхтовак БССР. Неўзабаве было адноўлена Пастановай Савета Міністраў БССР за № 1348 ад 16 лістапада 1953 года (з Галоўнага ўпраўлення саўгасаў МСГіН БССР).

Было скасавана ў 1957 годзе, яго функцыі былі перададзеныя Міністэрству сельскай гаспадаркі^[1].

Міністры

• Іван Крупеня (1947 — 1951)
• Пётр Калінін (1951 — 1957)

Зноскі

1. Закон Белорусской ССР от 30 мая 1957 года «Об объединении Министерства сельского хозяйства Белорусской ССР, Министерства совхозов Белорусской ССР и Министерства мелиорации Белорусской ССР в одно Министерство — Министерство сельского хозяйства Белорусской ССР». (нявызн.)(недаступная спасылка). Архівавана з першакрыніцы 17 чэрвеня 2020. Праверана 17 чэрвеня 2020.