Міхалянка

Міхаля́нка, прадмесце Міхаля́нка — гістарычная мясцовасць Мінска, размешчаная ў паўночна-заходняй частцы горада.

На паўднёвым захадзе месціцца Кальварыйскае прадмесце, на ўсходзе – Людамонт, на паўднёвым усходзе — Татарская Слабада^[1]

Гісторыя

Назва прадмесця, верагодна, пайшла ад аднайменнага ўрочышча, якое пэўны час належала менскаму Траецкаму касцёлу. Пасля канфіскацыі касцёльных зямель уладамі Расійскай імперыі лес перайшоў ва ўласнасць горада. У 1890 годзе ўрочышча прададзенае купцу Рагавому для вывазу. Атрыманыя грошы накіраваныя на патрэбы будаўніцтва новага гарадскога тэатра. У пачатку XX ст. Міхалянка ўваходзіла ў пятую паліцэйскую частку горада. Праз прадмесце праходзіла Заслаўская вуліца.

Назву «Міхалянка» мае аўтобусны прыпынак на вуліцы Міхася Лынькова ў мікрараёне Масюкоўшчына.

Зноскі

1. Паводле карты «План губернского города Минска (1903)» з выпраўленнямі і дадаткамі І. Сацукевіча