Міхаіл Іванавіч Кузьмянкоў

У Вікіпедыі ёсць артыкулы пра іншых людзей з прозвішчам Кузьмянкоў.

Міхаіл Іванавіч Кузьмянкоў (нар. 21 студзеня 1939, в. Пыцькаўка, Буда-Кашалёўскі раён, Гомельская вобласць) — беларускі спецыяліст у галіне тэхналогіі неарганічных рэчываў. Доктар тэхнічных навук (1983), прафесар (1984).

Міхаіл Іванавіч Кузьмянкоў
Дата нараджэння	21 студзеня 1939(1939-01-21) (86 гадоў)
Месца нараджэння	Пыцькаўка, Сталінскі сельсавет, Уваравіцкі раён, Гомельская вобласць, Беларуская ССР, СССР
Грамадзянства	Беларусь
Месца працы	факультэт хімічнай тэхналогіі і тэхнікі БДТУ
Навуковая ступень	доктар тэхнічных навук (1983)
Навуковае званне	прафесар (1984)
Альма-матар	БПІ (1960)
Узнагароды	Ганаровая грамата МінВНУ БССР[d] (1983) Ганаровая грамата Міністэрства архітэктуры і будаўніцтва Беларусі[d] (2005)

Біяграфія

Скончыў Беларускі політэхнічны інстытут (спецыяльнасць «Тэхналогія сілікатаў», 1960), Беларускі тэхналагічны інстытут (аспірантура, спецыяльнасць «Тэхналогія сілікатаў», 1966).

Працуе ў Беларускім дзяржаўным тэхналагічным універсітэце (з 1966, факультэт хімічнай тэхналогіі і тэхнікі, кафедра хімічнай тэхналогіі вяжучых матэрыялаў, прафесар, у 1985—2008 — загадчык кафедры).

Навуковыя інтарэсы: тэхналогія комплекснай перапрацоўскі даламіту на магнезіяльны цэмент, даламітавую вапну, сульфат магнію, сінтэтычны гіпс і малаэнергаёмкія гіпсавыя вяжучыя, лёгкую і смаляную магнезіі, гарачастойкія бетоны; стаматалагічныя матэрыялы; атрыманне з фасфагіпсу гіпсавых вяжучых і рэгулятараў тэрмінаў схоплівання цэменту; тэхналогія гідратаваных сілікатных парашкоў (парашковае вадкае шкло); хімічныя дабаўкі да павярхоўнай і аб’ёмнай апрацоўкі бетону.

Узнагароды

Званне «Заслужаны дзеяч навукі Рэспублікі Беларусь» (2001), ганаровыя граматы Мінскага абласнога камітэта прафсаюза работнікаў асветы Беларускай ССР (1977), Міністэрства вышэйшай і сярэдняй спецыяльнай адукацыі Беларускай ССР (1983), Міністэрства архітэктуры і будаўніцтва Рэспублікі Беларусь (2005) і інш.

Бібліяграфія

• Научные основы и разработка технологии метафосфатов : автореферат диссертации … доктора технических наук : 05.17.01 / Кузьменков Михаил Иванович. ― Ленинград, 1982.

Зноскі