Міхаіл Аляксандравіч Герасіменка

У Вікіпедыі ёсць артыкулы пра іншых людзей з прозвішчам Герасіменка.

Міхаіл Аляксандравіч Герасіменка (нар. 1973, г. Узда) — беларускі ўрач, доктар медыцынскіх навук (2012), прафесар (2015), член-карэспандэнт НАН Беларусі (2021).

Міхаіл Аляксандравіч Герасіменка
Дата нараджэння	17 лістапада 1973(1973-11-17) (51 год)
Месца нараджэння	Узда, Уздзенскі раён, Мінская вобласць, Беларуская ССР, СССР
Грамадзянства	Беларусь
Месца працы	ІПКіПКАЗ Рэспубліканскі навукова-практычны цэнтр траўматалогіі і артапедыі[d]
Навуковая ступень	доктар медыцынскіх навук
Навуковае званне	прафесар член-карэспандэнт НАН Беларусі[1]
Альма-матар	Мінскі медыцынскі інстытут (1997)

Біяграфія

Скончыў Мінскі дзяржаўны медыцынскі інстытут па спецыяльнасці «Лекавая справа» (1997).

У 2012—2014 гадах — загадчык кафедры траўматалогіі і артапедыі Беларускага дзяржаўнага медычнага ўніверсітэта. У 2014—2018 гадах — рэктар Беларускай медыцынскай акадэміі паслядыпломнай адукацыі. З 2018 года — дырэктар Рэспубліканскага навукова-практычнага цэнтра траўматалогіі і артапедыі.

Навуковая дзейнасць

Сфера прафесійных інтарэсаў: эндапратэзаванне каленавага і тазасцёгнавага суставаў; дзіцячая траўматалогія і артапедыя; артраскапічныя ўмяшанні на буйных суставах.