Міхаіл Якаўлевіч Ленсу

У Вікіпедыі ёсць артыкулы пра іншых людзей з прозвішчам Ленсу.

Міхаіл Якаўлевіч Ле́нсу (31 ліпеня 1924(1924-07-31), Ленінград — 2006) — беларускі філосаф. Доктар філасофскіх навук (1981), прафесар (1982). Заслужаны работнік культуры БССР (1990).

Міхаіл Якаўлевіч Ленсу
Дата нараджэння	31 ліпеня 1924(1924-07-31)
Месца нараджэння	Ленінград, РСФСР, СССР
Дата смерці	2006
Месца пахавання	Усходнія могілкі
Грамадзянства	СССР  Беларусь
Род дзейнасці	філосаф
Месца працы	БДПУ БДМУ БДАТУ БДУ
Навуковая ступень	доктар філасофскіх навук
Альма-матар	Шадрынскі дзяржаўны педагагічны інстытут[d] (1950)
Узнагароды

Біяграфія

Нарадзіўся 31 ліпеня 1924 года ў Ленінградзе.

У 1950 годзе скончыў Шадрынскі педагагічны інстытут (Курганскай вобласці РСФСР). З 1962 года працаваў у мінскіх педагагічным і медыцынскім інстытутах, Беларускім інстытуце механізацыі сельскай гаспадаркі. З 1974 года — у Рэспубліканскім інстытуце вышэйшай школы БДУ (у 1980—1990 гадах загадваў кафедрай).

Памёр у 2006 годзе. Пахаваны ў Мінску на Усходніх могілках.

Дзейнасць

Аўтар навуковых прац па праблемах рэлігіязнаўства (філасофія і сацыялогія рэлігіі), педагогіцы вышэйшай школы і методыцы выкладання сацыяльна-гуманітарных навук.

Асноўныя творы:

• Основы атеистического воспитания. — Мн., 1976.
• Методология и методика атеистического воспитания. — Мн., 1985.
• (Разам з К. С. Пракошынай, В. Р. Языковічам.) Студенчество и религия: Пробл. мировоззренческого выбора. — Мн., 1999.

Зноскі