Мікалай Андрэевіч Захаранка

Мікалай (Мікола) Андрэевіч Захаранка (13 мая 1949, Васілевічы, Рэчыцкі раён, Гомельская вобласць) — беларускі паэт, празаік, драматург. Член Саюза беларускіх пісьменнікаў.

Мікалай Андрэевіч Захаранка
Мікола Захаранка
Асабістыя звесткі
Дата нараджэння	13 мая 1949(1949-05-13) (76 гадоў)
Месца нараджэння	Васілевічы
Грамадзянства	СССР, Беларусь
Альма-матар	філалагічны факультэт БДУ
Прафесійная дзейнасць
Род дзейнасці	пісьменнік
Гады творчасці	з 1960-х
Жанр	верш, проза, драматургія
Мова твораў	Беларуская мова
Дэбют	1960-я
Грамадская дзейнасць
Член у	Саюз беларускіх пісьменнікаў
Прэміі	лаўрэат літаратурнай прэміі часопіса «Полымя» (2001), двойчы лаўрэат літаратурнага конкурсу газеты «Звязда» і Саюза беларускіх пісьменнікаў (1999, 2003).

У Вікіпедыі ёсць артыкулы пра іншых людзей з прозвішчам Захаранка.

Біяграфія

Нарадзіўся 13 мая 1949 года ў Васілевічах у сялянскай сям’і. Скончыў філалагічны факультэт Беларускага дзяржаўнага ўніверсітэта. Доўгі час настаўнічаў у вёсцы Швабы Лагойскага раёна Мінскай вобласці.

Творчасць

Трагічнасць і радасць жыцця, вясковая будзённасць ў творах Захаранкі пераплятаецца з казачнай быліннасцю, афарбавана яе прывідным святлом. Апавяданні друкаваліся ў часопісах «Полымя», «Маладосць», «Нёман», «Дзеяслоў», «Роднае слова», «Вясёлка», газеце «Звязда»; вершы і публіцістыка ― ў «ЛІМе». Аўтар дзіцячых п’ес, зборнікаў апавяданняў «І тады ўдарыў бом…» (Мн., Кнігазбор, 2013), які вылучаўся на літаратурную прэмію Ежы Гедройца, «Такі вецер, такі вецер…» (Кнігазбор, 2019). П’еса «Паехалі» ставілася ў 1996 годзе на сцэне Нацыянальнага акадэмічнага тэатра імя Янкі Купалы^[1][2].

Зноскі

1. Я і дагэтуль лічу, што гаршкі абпальваюць усё-ткі богі // Дзеяслоў. — Мн.: 2014. — № 2. Архівавана з першакрыніцы 7 верасня 2018.
2. zakharanka (нявызн.)(недаступная спасылка). 2014.gedroyc.by. Архівавана з першакрыніцы 17 лістапада 2016.