Народны камісарыят гандлю БССР

Наро́дны камісарыя́т га́ндлю Белару́скай ССР (Народны камісарыят забеспячэння БССР, Народны камісарыят унутранага гандлю БССР) быў утвораны ў 1924 годзе на базе Камісіі па ўнутраным гандлі БССР пад назвай Народны камісарыят па ўнутраным гандлі БССР.

Народны камісарыят гандлю Беларускай ССР
Народны камісарыят па ўнутраным гандлі БССР Народны камісарыят забеспячэння БССР Народны камісарыят унутранага гандлю БССР
Агульная інфармацыя
Краіна	Беларуская ССР
Юрысдыкцыя	Беларуская ССР
Дата стварэння	1924
Папярэдняе ведамства	Камісія па ўнутраным гандлі БССР (з 1923)
Дата скасавання	26 сакавіка 1946
Заменена на	Міністэрства гандлю БССР
Кіраўніцтва дзейнасцю ажыццяўляе	Народны камісарыят гандлю СССР
Вышэйшае ведамства	Савет Народных Камісараў БССР

З 1926 года быў перайменаваны ў Народны камісарыят гандлю БССР. У 1931 годзе наркамат пераўтвораны ў Народны камісарыят забеспячэння БССР, у 1934 годзе на яго базе створаны Народны камісарыят унутранага гандлю БССР, пераўтвораны ў 1938 годзе ў Народны камісарыят гандлю БССР.

З 1946 года пераўтвораны ў Міністэрства гандлю БССР.

Наркамы

• Іван Антонавіч Васілевіч (1925)
• Іосіф Адамайціс (1926—1928)
• Нічыпар Аксючыц (1928—1929)
• Казімір Бенек (1929—1930)
• Аўгуст Балцін (1931—1933^[1])
• Нохім Гурэвіч (1933^[2]—1937)
• Уладзімір Ванееў (1938^[3]—1941)
• Віктар Выхадцаў (1941^[4]—1946)