Наталля Леанідаўна Глінская

Наталля Леанідаўна Глінская (нар. 25 ліпеня 1972, Маладзечна) — беларуская педагог-дэфектолаг і дэпутатка.

Наталля Леанідаўна Глінская
Нараджэнне	25 ліпеня 1972(1972-07-25) (53 гады) Маладзечна, Маладзечанскі раён, Мінская вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Глінская.

Біяграфія

Нарадзілася 25 ліпеня 1972 года ў горадзе Маладзечна Мінскай вобласці^[1].

Скончыла Беларускі дзяржаўны педагагічны ўніверсітэт імя М. Танка, Акадэмію кіравання пры Прэзідэнце Рэспублікі Беларусь^[1].

Працоўную дзейнасць пачала медсястрой, працавала настаўніцай-дэфектолагам, намесніцай дырэктара па выхаваўчай рабоце Маладзечанскай санаторнай школы-інтэрната^[1]. Дырэктарка Маладзечанскай спецыяльнай школы-інтэрната^[1].

Дэпутатка Маладзечанскага раённага Савета дэпутатаў 27-га, 28-га і 29-га скліканняў^[1].

Дэлегатка VI Усебеларускага народнага сходу^[1].

Выбрана ў 2024 годзе членам Савета Рэспублікі Нацыянальнага сходу Беларусі 8-га склікання ад Мінскай вобласці (вылучана ад Маладзечанскага і Валожынскага раёнаў)^[1]. Член Пастаяннай камісіі Савета Рэспублікі па адукацыі, навуцы, культуры і сацыяльным развіцці^[1].

Член Беларускай партыі «Белая Русь»^[1].

Узнагароды

Атрымала тры падзячныя пісьмы ад Прэзідэнта Рэспублікі Беларусь А. Лукашэнкі^[1].

Узнагароджана ганаровай граматай Нацыянальнага сходу Рэспублікі Беларусь, нагрудным знакам «Выдатнік адукацыі»^[1].