Нацыянальная галерэя Косава

Нацыянальная галерэя Косава (алб.: Galeria Kombëtare e Arteve e Kosovës, сербск.: Национална галерија Косова) — мастацкая галерэя, размешчаная ва ўніверсітэцкім гарадку Прышціны непасрэдна за Нацыянальнай бібліятэкай Косава. Заснавана ў лютым 1979 года^[1]. Названа ў гонар аднаго з самых вядомых косаўскіх мусульманскіх мастакоў Мусліма Мулікі.

Нацыянальная галерэя Косава
Заснаваны	1979
Месцазнаходжанне	Прышціна
galeriakombetare-rks.com (алб.)​ (англ.)
Медыяфайлы на Вікісховішчы

Гэта найбуйнейшая ўстанова ў галіне выяўленчых мастацтваў у Рэспубліцы Косава. Галерэя дае выставачную прастору для розных выстаў мясцовых і замежных мастакоў. Публікуе кнігі, каталогі і брашуры^[2].

Гісторыя

Будынак галерэі

Будынак нацыянальнай мастацкай галерэі Косава быў пабудаваны прыкладна ў 1935 годзе як ваенныя казармы Югаслаўскай арміі. У 1955—1981 гадах там размяшчалася бібліятэка. У 1982—1983 гадах памяшканне было пераабсталявана ў выставачную залу Рэвалюцыйнага музея архітэктарам Агушам Бекіры. У 1995 годзе там размясцілася цяперашняя мастацкая галерэя.

Фасад будынка аздоблены каменем з ваколіц горада Печ^[3].

Фундамент

Нацыянальная мастацкая галерэя Косава была заснавана ў 1979 годзе як культурная ўстанова для экспанавання твораў выяўленчага мастацтва, а таксама для збору і захоўвання каштоўных твораў мастацтва. Яна была названая ў гонар аднаго з самых выбітных косаўскіх мастакоў Мусліма Мулікі. Галерэя была створана ў сувязі з неабходнасцю візуальнай дэманстрацыі косаўскай культуры.

На працягу дзесяці пасляваенных гадоў Нацыянальная мастацкая галерэя Косава арганізавала больш за 200 калектыўных і індывідуальных выстаў як нацыянальных, так і замежных мастакоў. З 2013 года дырэктарам галерэі з’яўляецца Арта Аган^[4].

• 
  Кодра, У пошуках новых ідалаў, 1968, палатно, алей
• 
  Кодра, Мора, 1968, палатно, алей
• 
  Кодра, Урок музыкі, 1997, палатно, алей
• 
  Кодра, Дата, 1987, палатно, алей
• 
  Кодра, Нараджэнне ідала, 1971, палатно, алей
• 
  Кодра, Вайна за мір, 1977, палатно, алей
• 
  Гэлаш Гёкай, Курыца, 1985, палатно, алей
• 
  Гэлаш Гёкай, Без назвы, 1999, папера, акрыл
• 
  Гэлаш Гёкай, Кампазіцыя, 1997, папера, алей
• 
  Гэлаш Гёкай, Кампазіцыя, 1991, камбінаваная тэхніка

Супрацоўніцтва

У выніку супрацоўніцтва паміж Міністэрствам культуры, моладзі і спорту, якое з’яўляецца адказным за галерэю, і міжнароднымі арганізацыямі, галерэя прымала шматлікіх гасцей з Албаніі і іншых суседніх дзяржаў^[5].

Нацыянальная мастацкая галерэя Косава наладзіла супрацоўніцтва з наступнымі арганізацыямі:

• Нацыянальная галерэя выяўленчых мастацтваў Албаніі^[6][7]
• Еўрапейскі парламент культуры^[8][9]
• Міжнародны савет музеяў^[10][11]
• Павільён Венецыянскай біенале^{[12][13][14][15][16][17]}
• Пасольства Рэспублікі Косава ў Вашынгтоне

Зноскі

1. Komuna Prishtine - Qyteti (нявызн.). kk.rks-gov.net. Архівавана з першакрыніцы 2 сакавіка 2014. Праверана 2 сакавіка 2014.
2. Galeria e Arteve e Kosovës | AKADEMIA EVOLUCION - Bachelor & Master (нявызн.). akademiaevolucion.com. Архівавана з першакрыніцы 9 сакавіка 2014. Праверана 2 сакавіка 2014.
3. Southeast Europe: People and Culture: Kosovo Art Gallery (нявызн.)(недаступная спасылка). southeast-europe.eu. Архівавана з першакрыніцы 11 лістапада 2014. Праверана 2 сакавіка 2014.
4. Galeria Kombëtare e Kosovës zgjedh drejtorin e ri (нявызн.)(недаступная спасылка). Архівавана з першакрыніцы 22 мая 2017. Праверана 23 красавіка 2017.
5. Ballina - Ministria e Kulturës, Rinisë dhe Sportit (нявызн.). mkrs-ks.org. Праверана 2 сакавіка 2014.
6. Dy ekspozita, në kuadër të bashkëpunimit kombëtar në artin pamor - KultPlus.com (нявызн.). kultplus.com. Праверана 2 сакавіка 2014.
7. Takimi i parë mes institucioneve të kulturës dhe artit të Republikës së Shqipërisë dhe Republikës së Kosovës (нявызн.)(недаступная спасылка). kultura.gov.al. Архівавана з першакрыніцы 2 сакавіка 2014. Праверана 2 сакавіка 2014.
8. European Cultural Parliament – ECP | Europe needs a soul (нявызн.). kulturparlament.com. Праверана 2 сакавіка 2014.
9. Koha NET - Arkivi (нявызн.). koha.net. Праверана 2 сакавіка 2014.
10. CIMAM - International Committee for Museums and Collections of Modern Art- International Committee - ICOM (нявызн.)(недаступная спасылка). icom.museum. Архівавана з першакрыніцы 25 сакавіка 2014. Праверана 2 сакавіка 2014.
11. Koha NET - Arkivi (нявызн.). koha.net. Праверана 2 сакавіка 2014.
12. Biennale de Venise 2013 - Arsenale - Image 9 sur 16 - 20minutes.fr (нявызн.). 20minutes.fr. Праверана 2 сакавіка 2014.
13. Koha NET - Arkivi (нявызн.). koha.net. Праверана 2 сакавіка 2014.
14. - Article detail OnWeb - Flash Art (нявызн.)(недаступная спасылка). flashartonline.com. Архівавана з першакрыніцы 2 сакавіка 2014. Праверана 2 сакавіка 2014.
15. Koha NET - Arkivi (нявызн.). koha.net. Праверана 2 сакавіка 2014.
16. Koha NET - Arkivi (нявызн.). koha.net. Праверана 2 сакавіка 2014.
17. Kosovan Pavillion at the Venice Architecture Biennale/Preview on Vimeo (нявызн.). vimeo.com. Праверана 2 сакавіка 2014.