Невежа

Не́вежа — возера ў Беларусі, у Полацкім раёне Віцебскай вобласці, у басейне ракі Сосніца, за 35 км на паўночны ўсход ад горада Полацк.

Не́вежа
Морфаметрыя
Вышыня над узроўнем мора	137,3[1] м
Даўжыня	1,5 км
Шырыня	1 км
Плошча	0,93 км²
Даўжыня берагавой лініі	4,5 км
Найбольшая глыбіня	3 м
Басейн
Плошча вадазбору	79,2 км²
Упадаюць	Жэльцанка, ручай
Выцякаюць	Невежа
Размяшчэнне
Краіна	Беларусь
Рэгіён	Віцебская вобласць
Не́вежа
Не́вежа

Назва

Назва балцкага паходжання.

Корань Vež-  — фанетычны варыянт кораня Važ-, які ў назве літоўскай ракі Važ-upė^[2].

Ад індаеўрапейскага *ṷegh- «рухацца, цягнуць, везці»^[3], адкуль літоўскае vežti «везці», važiuoti «ехаць».

Гідранімічныя аналагі — назва нёманскай ракі Нявежа, ракі Нявежа (рус. Невежа) на Павоччы (прыток Упы)^[4].

Нявежская назва значыць «Нехуткаплыннае (возера)».

Гідраграфія

Плошча паверхні возера 0,93 км². Даўжыня 1,5 км, найбольшая шырыня 1 км, найбольшая глыбіня 3 м, даўжыня берагавой лініі больш за 4,5 км. Плошча вадазбору 79,2 км².

Катлавіна выцягнутая з поўначы на поўдзень. Схілы вышыні вышынёй да 13 м, сярэдне стромкія. На захадзе і поўдні схілы вышынёй да 5 м, спадзістыя, пясчаныя, пад хмызняком.

Возера праточнае. Упадае ручай і на паўночным усходзе рака Жэльцанка, выцякае рака Невежа.

У возеры водзяцца шчупак, лешч, гусцяра, плотка, акунь, лінь і іншыя віды рыб.