Незалежная асацыяцыя пекінскіх рабочых

Незалежная асацыяцыя пекінскіх рабочых (кіт.: 北京工人自治联合会) — нелегальны кітайскі прафсаюз, які ўдзельнічаў у пратэстах на плошчы Цяньаньмэнь у 1989 годзе. Арганізацыя была створана 20 красавіка 1989 года пасля жорсткага разгону дэманстрацыі студэнтаў каля варот Сіньхуамэнь. Лідэрам прафсаюза стаў чыгуначны электрык Хань Дунфан.

Незалежная асацыяцыя пекінскіх рабочых
Краіна	Кітай
Адміністрацыйны цэнтр	Пекін, КНР
Тып арганізацыі	прафсаюз
Заснаванне
Дата заснавання	20 красавіка 1989
Ліквідацыя
Дата скасавання	12 чэрвеня 1989 (забаронена ўладамі)

3-4 чэрвеня 1989 года актывісты асацыяцыі ўдзельнічалі ў пратэстах на плошчы Цяньаньмэнь. Маніфестацыі былі задушаны НВАК, разгон дэманстрацый суправаджаўся чалавечымі ахвярамі^[1].

12 чэрвеня Міністэрства грамадскай бяспекі КНР выдала цыркуляр, у якім Незалежная асацыяцыя пекінскіх рабочых аб’яўлялася па-за законам. Кіраўнікам асацыяцыі загадвалася неадкладна здацца пад пагрозай суровай кары. Актывісты, якія схаваліся, аб’яўляліся ў вышук, за ўкрывальніцтва таксама прадугледжвалася пакаранне^[2]. Хань Дунфан, першапачаткова які схаваўся з Пекіна, быў арыштаваны праз два тыдні. Арышты членаў асацыяцыі былі зроблены ў Пекіне і шэрагу іншых гарадоў. У Пекіне і Шанхаі некалькі прафсаюзных актывістаў былі расстраляныя пасля паказальных працэсаў^[3].

Гл. таксама

• Незалежны саюз студэнтаў Пекіна

Зноскі

1. 写在5.19十八年周年：我所见到的胸怀正义英勇无畏的北京市民 (нявызн.). Архівавана з першакрыніцы 20 лістапада 2015. Праверана 19 лістапада 2015.
2. 公安部 关于坚决镇压反革命暴乱 制止社会动乱的通告 (нявызн.). Архівавана з першакрыніцы 30 жніўня 2011. Праверана 19 лістапада 2015.
3. 六四屠殺的第一批受难者（王丹） (нявызн.). Архівавана з першакрыніцы 19 лістапада 2015. Праверана 19 лістапада 2015.