ФК Ньюкасл Юнайтэд

«Ньюка́сл Юна́йтэд» (англ.: Newcastle United Football Club — «Аб’яднаны футбольны клуб Ньюкасла») — прафесійны англійскі футбольны клуб з горада Ньюкасл-эпон-Тайн, на паўночным усходзе Англіі. Заснаваны ў 1892 годзе. Чатырохразовы чэмпіён Англіі, шасціразовы ўладальнік Кубка Англіі. Хатні стадыён «Юнайтэд», «Сент-Джэймс Парк», быў адкрыты ў 1880 годзе. Ён уваходзіць у чацвёрку найбуйнейшых футбольных стадыёнаў у Англіі і ўмяшчае каля 52 тысяч балельшчыкаў.

Ньюкасл Юнайтэд
Поўная назва	Newcastle United Football Club
Мянушкі	Сарокі (Magpies)
Заснаваны	22 снежня 1892
Горад	Ньюкасл-эпон-Тайн, Англія
Стадыён	Сент-Джэймс Парк Умяшчальнасць: 52 409
Прэзідэнт	Ясір аль-Румаян[d]
Галоўны трэнер	Эдзі Хаў[d][1]
Чэмпіянат	Прэм’ер-ліга
2022/23	4 месца
Сайт	Афіцыйны сайт
Асноўная форма Гасцявая форма Рэзервовая форма

Клуб мае сталага суперніка «Сандэрленд», дэрбі з якім мае назву Тайр-Уірскае дэрбі і праводзіцца з 1898 года. Традыцыйнымі колерамі клуба ёсць чорна-белыя паласатыя кашулі, чорныя трусы і чорныя шкарпэткі. Іхная традыцыйная эмблема мае элементы гарадскога герба, які ўключае ў сябе двух марскіх канькоў.

Сімволіка

Эмблема

Бягучая эмблема «Ньюкасл Юнайтэд» была ўпершыню выкарыстана ў сезоне 1888/89^[2]. Яе дызайн заснаваны на гербе горада, які знаходзіўся ў звароце яшчэ з XIV стагоддзя і быў афіцыйна прыняты ў 1954 годзе^[3]. Як на гербе Ньюкасла, гэтак і на эмблеме мясцовага клуба намаляваныя два гіпакампусы, якія «адлюстроўваюць моцную ўзаемасувязь Тайнсайда з морам». У арыгінальным гербе горада «міфічныя марскія канькі» таксама выступаюць як захавальнікі замка Ньюкасла. Матыў гэтага замка знайшоў адлюстраванне і ў эмблеме «сарокаў» — у выглядзе вежы, якая сыбалізуе самы ранні перыяд у гісторыі горада^[2][3]. Залаты леў на вяршыні гэтай вежы таксама прысутнічае на абодвух геральдычных знаках. Але калі на гербе Ньюкасла леў трымае вымпел з крыжам Святога Георгія на традыцыйным белым фоне, то для эмблемы футбольнага клуба гэты фон быў трансфарміраваны ў блакітны. Поўнае змяненне зведаў і шчыт — цэнтральны элемент эмблемы, чыё першапачатковае напаўненне замянілі чорна-белыя палосы з хатняй формы «Ньюкасла».

У якасці першай эмблемы, якую калі-небудзь выкарыстаў клуб, выступіў той жа герб Ньюкасла-эпон-Тайна: ён з’явіўся на кашулях у фінале Кубка Англіі 1920, а таксама на некалькіх гульнях Лігі ў наступным сезоне^[4]. Працягваючы ўзнікаць на ўсіх кубкавых фіналах, герб больш не выкарыстоўваўся ва ўнутраным першынстве аж да 1969 года, калі ў некалькі змененым выглядзе стаў неад’емным атрыбутам формы «Ньюкасла».

Трафеі

• Чэмпіён Англіі: 4
  • 1905, 1907, 1909, 1927

• Кубак Англіі: 6
  • 1910, 1924, 1932, 1951, 1952, 1955

• Кубак УЕФА: 1
  • 1969

• Кубак Інтэртота: 1
  • 2006

Склад

Станам на люты 2024 года.

№ Паз. Імя Нар. 1 Бр Марцін Дубраўка 1989 2 Аб Кіран Трып’ер 1990 3 Аб Пол Дамет 1991 4 Аб Свен Ботман 2000 5 Аб Фабіян Шэр 1991 6 Аб Джамал Лесельс (капітан) 1993 7 Нап Жаэлінтан 1996 8 ПА Сандра Таналі 2000 9 Нап Калум Уілсан 1992 10 Нап Энтані Гордан 2001 11 ПА Мэт Рычы 1989 13 Аб Мэт Таргет 1995 14 Нап Александэр Ісак 1999 15 ПА Харві Барнс 1997 17 Аб Эміль Крафт 1994

№ Паз. Імя Нар. 18 Бр Лорыс Карыус 1993 20 Аб Льюіс Хол 2004 21 Аб Ціна Ліўрамента 2002 22 Бр Нік Поўп 1992 23 Нап Джэйкаб Мёрфі 1995 24 ПА Мігель Альмірон 1994 28 ПА Джо Уілак 1999 29 Бр Марк Гілеспі 1992 32 ПА Эліят Андэрсан 2002 33 Аб Дэн Берн 1992 36 ПА Шон Лонгстаф 1997 39 ПА Бруну Гімарайнс 1997 40 ПА Джо Уайт 2002 67 ПА Льюіс Майлі 2006