Ніна Цімафееўна Лебедзева

У Вікіпедыі ёсць артыкулы пра іншых людзей з прозвішчам Лебедзева.

Ніна Цімафееўна Лебедзева (6 красавіка 1925, г. Вятка, Расія — ?) — урач-гігіеніст. Доктар медыцынскіх навук (1974), прафесар (1975). Удзельнік Вялікай Айчыннай вайны.

Ніна Цімафееўна Лебедзева
Дата нараджэння	6 красавіка 1925(1925-04-06)[1] (100 гадоў)
Месца нараджэння	Вятка, Вяцкі павет[d], Вяцкая губерня, РСФСР, СССР
Грамадзянства	СССР
Род дзейнасці	урач, выкладчыца ўніверсітэта, загадчык кафедры
Месца працы	Санкт-Пецярбургская дзяржаўная медыцынская акадэмія імя І. І. Мечнікава[d] Данецкі нацыянальны медыцынскі ўніверсітэт[d] БДУФК БДМУ
Навуковая ступень	доктар медыцынскіх навук (1974)
Навуковае званне	прафесар (1975)
Альма-матар	Ленінградскі санітарна-гігіенічны медыцынскі інстытут[d] (1949)[1]
Узнагароды

Біяграфія

Скончыла Ленінградскі санітарна-гігіенічны медыцынскі інстытут (1949).

Працавала ў Ленінградскім санітарна-гігіенічным медыцынскім інстытуце (1949—1952); Данецкім дзяржаўным медыцынскім інстытуце (1952—1961; у 1958—1961 — загадчык кафедры гігіены дзяцей і падлеткаў); Беларускім дзяржаўным інстытуце фізічнай культуры (1961—1968, дацэнт кафедры спартыўнай медыцыны), Мінскім дзяржаўным медыцынскім інстытуце (1968—1994; у 1980—1989 — загадчык кафедры гігіены дзяцей і падлеткаў).

Навуковыя інтарэсы: вывучэнне гігіенічных аспектаў фізічнага выхавання як найбольш эфектыўнага натуральнага сродка забеспячэння гарманічнага развіцця і здароўя растучага арганізма; аздараўленчае ўздзеянне фізічнага выхавання дзяцей, якія пражываюць у зонах, забруджаных радыенуклідамі.

Узнагароды

медаль «За доблесную працу ў Вялікай Айчыннай вайне 1941—1945 гг.», знакі «Выдатнік народнай адукацыі», «Выдатнік аховы здароўя».

Зноскі

1. https://www.bsmu.by/page/55/3152/