Обша

Обша (руск.: О́бша) — рака на паўночным захадзе еўрапейскай часткі Расійскай Федэрацыі, у Смаленскай і Цвярской вобласці, упадае ў раку Мяжу (Мёжу).

Обша
Характарыстыка
Даўжыня	153 км
Басейн	2 080 км²
Расход вады	11,5 м³/с
Вадацёк
Выток
• Каардынаты	55°51′30″ пн. ш. 33°50′27″ у. д.HGЯO
Вусце	Мяжа
• Каардынаты	55°54′59″ пн. ш. 32°31′36″ у. д.HGЯO
Размяшчэнне
Водная сістэма	Мяжа → Дзвіна → Рыжскі заліў
Краіна	Расія[1]
— выток, — вусце

Назва

Назва Обша балцкага паходжання.

Звязана з прускім abse, латышскім apse «асіна», таксама з фанетычна трохі далейшым літоўскім apušė, epušė «асіна». Далей да індаеўрапейскага apsā «асіна»^[2].

Тут жа сама на Верхнім Падзвінні, каля Таропца назва-дуплет Обжа (прыток Таропы), якая разам з назвай ракі Вобжа на Верхнім Павоччы — ад той жа «асінавай» асновы *Abš-^[3].

Таго ж паходжання літоўскія «асінавыя» водныя назвы тыпу Apšė, Apsingė, Apsuona, Apušė^[4], латышскія Apsa, Apse, Apšas^[5], назва возера Опса (< *Apsas).

У сярэднім цячэнні Обшы, каля горада Белы, балцкія назвы у яе прытоку Нача з прытокамі Рэкта, Вейна, Вішанка, Лебасціна (рэкі з назвамі «Цякучая», «Арэхавая», «Звілістая», «Плыткая», «Павольная»).

Апроч Обшы, у Мёжу ўцякаюць буйнейшыя рэкі з «дрэвавымі» назвамі Бяроза і Ельша. Назва Ельша ад латышскага elkšnis, elksnis, літоўскага alksnis «вольха» (адкінуўшы ўстаўное -k- і суфіксальнае -n-, балцкая аснова elš-, els-, als-, ад якой таксама назва Ольса). Назва Бяроза таксама можа быць калькай ад літоўскага beržas «бяроза»^[6].

Назва Обшы значыць «Асінавая». Побач з ёй у дзвінскую Мёжу цякуць рэкі «Бярозавая» і «Альховая».

Гідраграфія

Даўжыня — 153 км, плошча басейна — 2080 км², сярэдні расход вады за 47 км ад вусця — 11,5 м³/с. Належыць да басейна Заходняй Дзвіны і Балтыйскага мора, найбуйнейшы населены пункт — горад Белы.

Самыя вялікія прытокі — Белая, Нача (левыя); Льба (правы).