Павел Кузьміч Дзюбайла

Павел Кузьміч Дзюба́йла (5 жніўня 1931, в. Кукарава, Бярэзінскі раён, Мінская вобласць — 24 студзеня 1995, Мінск) — беларускі крытык і літаратуразнавец. Доктар філалагічных навук (1973), прафесар (1982).

Павел Кузьміч Дзюбайла
Дата нараджэння	5 жніўня 1931(1931-08-05)
Месца нараджэння	Кукарава, Пагосцкі сельсавет, Бярэзінскі раён, Беларуская ССР, СССР
Дата смерці	24 студзеня 1995(1995-01-24) (63 гады)
Месца смерці	Мінск, Беларусь
Месца пахавання	Кукарава
Грамадзянства	СССР  Беларусь
Род дзейнасці	навуковец, крытык, літаратуразнавец
Навуковая сфера	літаратуразнаўства
Месца працы	Інстытут літаратуразнаўства НАНБ
Навуковая ступень	доктар філалагічных навук
Навуковае званне	прафесар
Альма-матар	БДУ
Член у	Саюз беларускіх пісьменнікаў
Прэміі

У Вікіпедыі ёсць артыкулы пра іншых людзей з прозвішчам Дзюбайла.

Скончыў у 1954 годзе БДУ. Настаўнічаў, з 1960 года ў Інстытуце літаратуры АН Беларусі. Друкаваўся з 1950 года.

Член Саюза беларускіх пісьменнікаў з 1967 года.

Памёр 24 студзеня 1995 года ў Мінску. Пахаваны ў вёсцы Кукарава Бярэзінскага раёна^[1].

Навуковая дзейнасць

Даследаваў сучасную беларускую літаратуру, асноўныя тэндэнцыі і заканамернасці развіцця рамана, стылявыя кірункі ў прозе. Адзін з аўтараў кніг «Праблемы сучаснай беларускай прозы» (1967), «Беларуская савецкая проза: Раман і аповесць» (1971).

Узнагароды

Дзяржаўная прэмія Беларусі імя Я. Коласа 1980 за ўдзел у 2-томным даследаванні «Гісторыя беларускай дакастрычніцкай літаратуры» і «Гісторыя беларускай савецкай літаратуры» (1977, на рус. мове).

Творы

• Беларускі раман аб Вялікай Айчыннай вайне. Мн., 1964;
• Праблемы стылю ў сучаснай беларускай прозе. Мн., 1973;
• Вобраз нашага сучасніка ў беларускай прозе. Мн., 1978;
• У вялікай дарозе. Мн., 1981;
• Беларускі раман: Гады 70-я. Мн., 1982;
• Панарама сучаснай беларускай прозы. Мн., 1986;
• У пошуках духоўных каштоўнасцей. Мн., 1987;
• Станоўчы герой у беларускай літаратуры: Сав. перыяд: Кн. для настаўніка. Мн., 1990.