Падгале (вобласць)

Падгале (польск.: Podhale) — гісторыка-геаграфічная вобласць у паўднёвай Польшчы, размешчаная на мяжы са Славакіяй у паўночных адгор’ях Татр у басейнах рэк Бялы-Дунаец і Чарны-Дунаец, а таксама ў басейне верхняга цячэння ракі Дунаец  (руск.)^[1][2]. Падгале знаходзіцца ў межах Малапольскага ваяводства. На тэрыторыі Падгале размешчаны такія гарады, як Новы-Тарг (гістарычны цэнтр Падгале, званы мясцовымі жыхарамі проста «горад») і Закапанэ, а таксама вёскі, у іх ліку Чарны-Дунаец  (руск.), Бялы-Дунаец, Бялка-Татшаньска, Букавіна-Татшаньска і іншыя. Насельніцтва ўяўляе сабой адну з субэтнічных груп гуралей — падгалян^[3].

Горны ландшафт Падгале ў раёне вёскі Малэ Ціхэ (польск.: Małe Ciche)

Від на Новы-Тарг, цэнтр Падгале

Назва рэгіёну Падгале з’явілася ў сярэдзіне XIX стагоддзя, спачатку яно адносілася толькі да паўночных схілаў Татр, але затым стала распаўсюджвацца на землі, якія ляжаць на поўнач, у пачатку XX стагоддзя ў Падгале ўключалі ўжо наваколлі Новы-Тарга. Рэгіён падзяляецца на некалькі частак: Скалістае Падгале на поўдні, Сярэдняе Падгале ў раўнінным раёне Новы-Тарга, Усходняе Падгале па левабярэжжы Дунайца ўсходнее ад Новы-Тарга і Ніжняе Падгале ў ваколіцах Рабкі.

Падгале асвойвалася палякамі з XI стагоддзя, перасяленне ішло з поўначы на поўдзень з басейнаў ракі Рабы і ніжняга Дунайца^[4].

Гл. таксама

• Падгальскія гаворкі польскай мовы  (руск.)

Зноскі

1. Словарь географических названий зарубежных стан / отв. ред. А. М. Комков. — 3-е изд. перераб. и доп. — М.: Недра, 1986. — С. 284
2. Podhale // Słownik geograficzny Królestwa Polskiego i innych krajów słowiańskich. — Warszawa: nakł. Filipa Sulimierskiego i Władysława Walewskiego, 1880—1914. — Т. 3. — С. 389.
3. Dialekty i gwary polskie. Kompendium internetowe pod redakcją Haliny Karaś (польск.). — Opis dialektów polskich. Dialekt małopolski. Podhale. Geografia regionu. Архівавана з першакрыніцы 23 студзеня 2013.
4. Dialekty i gwary polskie. Kompendium internetowe pod redakcją Haliny Karaś (польск.). — Opis dialektów polskich. Dialekt małopolski. Podhale. Historia regionu. Архівавана з першакрыніцы 23 студзеня 2013. Праверана 30 красавіка 2017.(польск.) . — Opis dialektów polskich. Dialekt małopolski. Podhale. Historia regionu. з першакрыніцы 23 студзеня 2013.