Падстарынскі сельсавет

Падстары́нскі сельсавет — былая адміністрацыйна-тэрытарыяльная адзінка ў складзе Івацэвіцкага раёна Брэсцкай вобласці. Цэнтр — аграгарадок Падстарынь.

Падстарынскі сельсавет
Краіна	Беларусь
Уваходзіць у	Івацэвіцкі раён
Уключае	7 населеных пунктаў
Адміністрацыйны цэнтр	Падстарынь
Дата ўтварэння	12 кастрычніка 1940, 16 лютага 1987
Дата скасавання	16 ліпеня 1954, 9 жніўня 2022
Насельніцтва (2019)	1 528
Часавы пояс	UTC+03:00
Код аўтам. нумароў	1

Колькасць двароў — 564, колькасць жыхароў — 1295.

Гісторыя

Утвораны 12 кастрычніка 1940 года ў складзе Косаўскага раёна Брэсцкай вобласці БССР. З 20 верасня 1947 года ў складзе Івацэвіцкага раёна. 16 ліпеня 1954 года сельсавет скасаваны, тэрыторыя ўвайшла ў склад новаўтворанага Кушняроўскага сельсавета^[1].

16 лютага 1987 года цэнтр Кушняроўскага сельсавета перанесены ў вёску Падстарынь, сельсавет перайменаваны ў Падстарынскі^[2]. 9 жніўня 2022 года скасаваны, тэрыторыя далучана да Яглевіцкага сельсавета^[3].

Насельніцтва

Насельніцтва сельсавета паводле перапісу 2009 года — 1557 чалавек^[4], з іх 96,2 % — беларусы, 2,8 % — рускія, 0,5 % — украінцы^[5]; паводле перапісу 2019 года — 1528 чалавек^[6].

Склад

На момант скасавання ў склад сельсавета ўваходзілі 7 населеных пунктаў: аграгарадок Падстарынь, вёскі Азярцо, Боркі, Кушняры, Руда, Сенькавічы і Халап’я.