Зялёная партыя Венгрыі

Зялёная партыя Венгрыі (венг.: LMP – Magyarország Zöld Pártja) — венгерская палітычная партыя.

Зялёная партыя Венгрыі
LMP – Magyarország Zöld Pártja
Лідар	Эржэбет Шмук Матэ Канас-Надзь
Дата заснавання	26 лютага 2009
Штаб-кватэра	Будапешт
Краіна	Венгрыя
Ідэалогія	Левацэнтрызм: зялёная палітыка зялёны лібералізм прамая дэмакратыя экасацыялізм[1] прагрэсівізм
Інтэрнацыянал	Глабальныя зялёныя Зялёныя — Еўрапейскі свабодны альянс
Колькасць членаў	1756 (2016)
Сайт	lmp.hu
Медыяфайлы на Вікісховішчы

Кіраванне LMP ажыццяўляе калектыўнае кіраўніцтва з 13 чалавек.

LMP з’яўляецца назіральнікам у Еўрапейскай партыі зялёных.

Ідэалогія

Ідэалагічнай асновай партыйнай палітыкі з’яўляецца канцэпцыя ўстойлівага развіцця. Партыя падтрымлівае развіццё грамадзянскай супольнасці, абароны навакольнага асяроддзя і барацьбу з карупцыяй.

Гісторыя

Партыя заснавана 26 лютага 2009 года на базе некалькіх няўрадавых арганізацый. Да 2020 года мела назву «Палітыка можа быць іншай!» (венг.: Lehet Más a Politika!, LMP).

На выбарах у Еўрапарламент 2009 года партыя атрымала 2,61 % галасоў, а на парламенцкіх выбарах у Венгрыі ў красавіку 2010 года патрапіла ў парламент, атрымаўшы 16 мандатаў з 386: 5 мандатаў па тэрытарыяльных спісах і 11 — па нацыянальным спісе.

Па выніках парламенцкіх выбараў 2022 года партыя ў парламент Венгрыі не патрапіла.