Памяць (мемарыяльны комплекс)

Мемарыяльны комплекс «Памяць» — мемарыяльны комплекс у Баранавічах.

Помнік
Мемарыяльны комплекс «Памяць»
53°06′39″ пн. ш. 25°57′42″ у. д.HGЯO
Краіна	Беларусь
Горад	Баранавічы
Дата пабудовы	1964 год
Статус	Гісторыка-культурная каштоўнасць Беларусі, шыфр 113Д000022шыфр 113Д000022

Гісторыя

У 1941 годзе нямецка-фашысцкія захопнікі стварылі на тэрыторыі турмы філіял Ляснянскага лагера смерці для савецкіх ваеннапалонных. Адначасова тут утрымлівалася да 20 тысяч чалавек. Найбольш здаровых і працаздольных адпраўлялі на работы ў Германію, астатніх знішчалі. На тэрыторыі лагера людзі знаходзіліся пад адкрытым небам; ад холаду, голаду, хвароб паміралі сотні вязняў, акрамя таго фашысты сістэматычна ўчынялі масавыя расстрэлы ваеннапалонных.

Апісанне

У 1964 годзе на месцы загубы ўстаноўлены помнік: каля бетоннай сцяны (2,6м) з жалезнымі кратамі фігура жанчыны ў жалобе (2,2 м); у падножжы — вянок памяці, на дошцы — радкі:

«Сучаснікі патомкі! Схіліце голавы! Тут спяць вечным сном тыя, хто не стаў на калені перад ворагам: 31 тысяча савецкіх грамадзян, расстраляных і замучаных фашысцкімі катамі ў 1941-44 г.г.»[1].

Зноскі

1. Помнiкi i памятныя знакi Вялікай Айчыннай вайны ў г. Баранавiчы Архівавана 17 мая 2021.