Пантэра (карная аперацыя)

У паняцця ёсць і іншыя значэнні, гл. Пантэра.

Аперацыя «Пантэра» № 32 (ням.: Unternehmen «Panther») — кодавая назва карнай аперацыі нямецкіх войскаў супраць савецкіх партызан і мясцовага насельніцтва Расонскага раёна ў жніўні 1942 года.

Аперацыя «Пантэра»
Асноўны канфлікт: Другая сусветная вайна, Вялікая Айчынная вайна
Дата	жнівень 1942
Месца	Расонскі раён Беларускай ССР
Прычына	Прысутнасць узброеных савецкіх партызанскіх падраздзяленняў у тыле групы армій «Цэнтр» і групы армій «Поўнач»
Статус	аперацыя завершана
Праціўнікі
Трэці рэйх: 201-я ахоўная дывізія  СССР: Расонская партызанская брыгада імя І. В. Сталіна

Аперацыя праводзілася 2 батальёнамі 201-й ахоўнай дывізіі^[uk] з мэтай знішчэння расонскай групы савецкіх партызанскіх атрадаў. Аднак знішчыць або рассеяць партызан і ўстанавіць кантроль над тэрыторыяй раёна нямецкай акупацыйнай адміністрацыі не ўдалося. У месцы правядзення аперацыі карнікі расстралялі каля 100 мясцовых жыхароў, захапілі 475 галоў жывёлы.